Ռոպեր Հատտեճյան. «Հայ–թուրքական մերձեցումից մեծ բան չպետք է ստեղծվեր»

7Or.am. 6-7-2010- Հայ-թուրքական հարաբերություններին անդրադառնալով' Պոլսի «Մարմարա» օրաթերթի խմբագիր Ռոպեր Հատտեճյանն ասել է, թե Թուրքիայում հանրությունը հայ-թուրքական մերձեցման և ավելի մոտիկ հարաբերություններ հաստատելու պահանջ ունի։ -Սակայն հայ-թուրքական մերձեցումից մեծ բան չպետք է ստեղծվեր, ես դա արդեն նախատեսում էի, քանի որ շատ լուրջ դժվարություններ կան, որոնք իբրև թե որպես նախապայման նշված չեն, սակայն իրականության մեջ նախապայման են և լռելյայն կանցնեն։ Երկար ժամանակ այդ մերձեցումը շոշափելի արդյունք չպետք է տար, բայց մեր կարծիքով այսքանն էլ արդեն տրամադրություն է փոխել Թուրքիայում, որտեղ մամուլն ամեն օր անպայման անդրադառնում է հայ-թուրքական հարաբերություններին,-նշել է Ռոպեր Հատտեճյանը։ Ինչ վերաբերում է Հիլարի Քլինթոնի՝ Հայաստան կատարած այցի վերաբերյալ թուրքական կողմի արձագանքին, նա նշել է, որ ինքը հետևելու ժամանակ չի ունեցել, սակայն, իր կարծիքով, եթե պատասխանը հետևի, ապա՝ մոտ 2 օր հետո։