Հայաստանն ի՞նչ չի անում՝ կանխելու համար նմանատիպ հայտարությունները։ Այս հարցը «7օր»-ն ուղղել է Եվրոպայի անվտանգության և համագործակցության կազմակերպության խորհրդարանական վեհաժողովի (ԵԱՀԿ ԽՎ) հայկական պատվիրակության անդամ, ՀՀԿ-ական պատգամավոր Արտակ Դավթյանին։
-Ի՞նչ պետք է անի հայկական կողմը,-պատասխանել է նա,-մենք ինչ էլ որ անելու լինենք, միևնույն է, թուրք պաշտոնյաների մտքներին ինչ փչի, դա էլ ասելու են ու հայտարարելու։ Ու իրենք ամեն անգամ այդ հայտարարություններն անում են սեփական հանրությանը և նաև ադրբեջանական հանրությանը որոշակի մեսիջներ ուղղելու համար։
Ա. Դավթյանը նաև հավելել է, որ եթե թուրքերի հաշվարկները հիմնված են այն բանի վրա, որ Թուրքիայի հետ հարաբերությունների կարգավորումը միայն ՀՀ-ին է պետք, ապա դրանք բավական սխալ, սնանկ ու տկար հաշվարկներ են։
-Մենք ունենք հստակ մեր դիրքորոշումը, ու ես կարծում եմ, որ մեր նման երկրները և նաև ՀՀ-ն չի կարող իրեն թույլ տալ այդ շռայլությունը, որ ոնց որ Թուրքիան է իրեն պահում, պահի տակ փոխի իր ասածները՝ ամենատարբեր խուճուճ խաղերի մեջ մտնելով։ ՀՀ-ն ուղղակի ո՛չ դրա ռեսուրսն ունի, և ո՛չ էլ կարող է իրեն նմանատիպ պահելաձև ու վարքագիծ թույլ տալ ու դրսևորել։ Մեզ մոտ շատ հստակ պետք է լինի, ու մենք շատ ճիշտ ենք անում, որ այն, ինչ-որ ասում են, փաստորեն, մեր խոսքն ու գործը պետք է իրար հետ համընկնի, ու շատ պարզ և հասկանալի լինի մեր արածները ոչ միայն մեզ համար, այլև ընդհանրապես միջազգային հանրության համար,-հավելել է ՀՀԿ-ական պատգամավորը։
Tehran Time
Yerevan Time
No comments:
Post a Comment