Մանկական «Եվրատեսիլի» հաղթողը կորոշվի այսօր

News.am. 20-11-2010- Այսօր Մինսկում տեղի կունենա մանկական «Եվրատեսիլ 2010» մրցույթի եզրափակիչը։ Մրցույթում Հայաստանը ներկայացնող Վլադիմիր Արզումանյանը հանդես կգա 10 համարի ներքո և կկատարի «Մամա» երգը։

Հիշեցնենք, որ Արզումանյանը հաղթող ճանաչվեց մրցույթի հայաստանյան փուլի արդյունքում։
Այս տարի մրցույթին մասնակցում է 14 երկիր՝ Լատվիա, Ռուսաստան, Ուկրաինա, Մալթա, Հայաստան, Բելառուս, Վրաստան, Մակեդոնիա, Մոլդովա, Սերբիա, Լիտվա, Բելգիա, Շվեդիա և Նիդերլանդներ։
Նշենք, որ այս տարի մանկական «Եվրատեսիլի» բացումը կկատարի Լիտվայի ներկայացուցիչը, իսկ վերջինը հանդես կգա Մակեդոնիայի ներկայացուցիչը։
Մրցույթի եզրափակիչը Հայաստանում ուղիղ եթերով կհեռարձակի Հ1–ը։