Պուտինը թուրքական ընկերություններին հրավիրում է կառուցել ռուսական մարզադաշտերը

Tert.am. 9-12-2010- Ռուսաստանի Դաշնության վարչապետ Վլադիմիր Պուտինի և նրա թուրք գործընկերոջ՝ Ռեջեփ Թայիփ Էրդողանի միջև տեղի է ունեցել հեռախոսազրույց։

Թուրքական Cihan գործակալության փոխանցմամբ՝ հեռախոսազրույցի ընթացքում Թուրքիայի վարչապետը շնորհավորել է Վլադիմիր Պուտինին Ֆուտբոլի 2018թ. Աշխարհի առաջնությունը հյուրընկալելու կապակցությամբ։
Իր հերթին ՌԴ վարչապետը Էրդողանին ասել է, որ կցանկանար, որպեսզի թուրքական ընկերությունները նույնպես մասնակցեին Ռուսաստանում հին մարզադաշտերի վերակառուցման, ինչպես նաև նորերի կառուցման աշխատանքներին։