Թեհրանը պատրաստ է Ռուսաստանին հանձնել ցածր հարստացված ուրան, փոխարենն ստանալ բարձր հարստացվածը

Tert.am. 22-1-2011- Իրանը պատրաստ է վերսկսել բանակցությունները Վիեննայի խմբի հետ, որում ընդգրկված են Ռուսաստանը, Ֆրանսիան, ԱՄՆ-ը եւ ՄԱԳԱՏԵ-ի ներկայացուցիչները, եթե կատարվեն Թեհրանում ստորագրված հռչակագրով նախատեսված գործողությունները:

«Թեհրանի հռչակագրի համաձայն, Իրանը պետք է Ռուսաստանից ստանա 120 կգ բարձր հարստացված ուրան (20 տոկոս հարստացված), փոխարենը Ռուսաստանին հանձնի իր միջուկային նյութերը (1200 կգ ցածր հարստացված ուրան)»,- ասել է ՄԱԳԱՏԵ-ում Իրանի մշտական ներկայացուցիչ Ասգար Սոլթանին:
Այդ նպատակով Իրանը պատրաստ է վերսկսել բանակցությունները «Վիեննայի խմբի» հետ:
Թեհրանի հռչակագիրը ստորագրվել է 2010-ի գարնանը Իրանի, Թուրքիայի եւ Բրազիլիայի կողմից: