Թուրքիան ուղեծիր է ուղարկում իր առաջին արբանյակը

Tert.am. 16-6-2011- Թուրքիան պատրաստվում է առաջիկայում տիեզերք ուղարկել սեփական արտադրության արբանյակը։ Այս մասին գրում է թուրքական «Միլլիյեթ» օրաթերթը։

Պարբերականի փոխանցմամբ՝ Երկիր մոլորակի դիտարկման համար նախատեսված RASAT անունը կրող արբանյակն արտադրվել է Թուրքիայի տիեզերական հետազոտությունների ինստիտուտի կողմից։
Ներկա պահին արբանյակը գտնվում է Ռուսաստանի տարածքում, որտեղից էլ այն կուղարկվի տիեզերք։