Tert.am. 18-7-2011- Ադրբեջանում ազգային պետության և ազգային գիտակցության ձևավորման գործընթացն ընթացել է հայերին բնաջնջելու ճանապարհով։ Ինչպես հաղորդում է Ռուսաստանում հրատարակվող «Երկրամաս» թերթը, այս մասին հայտարարել է հայտնի ռուս տնտեսագետ, քաղաքագետ, լրագրող և հեռուստահաղորդավար Միխայիլ Լեոնտևը։«Էթնիկ պետությունը վնասակար սարսափ է։ Այդ խնդրի հետ բախվում են՝ Գերմանիան, Իտալիան, Ուկրաինան, սկզբունքորեն, ցանկացած ժամանակակից պետություն։ Տանջվում են, չեն կարողանում հաղթահարել, քանի որ, ըստ էության, ազգային պետությունն արատ է։ Ազգային պետության սկզբնավորման գործընթացը համընդհանուր, սարսափելի դեգեներացի է»,– ասել է քաղաքագետը և հիշեցրել, թե ինչպես է ընթացել ազգային գիտակցության ձևավորման գործընթացն առավել քիչ քաղաքակիրթ ժողովուրդների մոտ։ «Օրինակ, Ադրբեջանում դա տեղի է ունեցել հայերին բնաջնջելու ճանապարհով։ Դա շատ տիպիկ մեթոդ է»,– ընդգծել է Լեոնտևը։
Tehran Time
Yerevan Time
No comments:
Post a Comment