Աստված հայերին խելք ու շնորհք թող տա, որ «Եվրատեսիլից» հրաժարվելու փոխարեն Ղարաբաղից հրաժարվեն». Էգեմեն Բաղըշ

Tert.am. 22-4-2012- Թուրքիայի ԵՄ հարցերով պետնախարար Էգեմեն Բաղըշը Կարսում հերթական

հակահայկական հայտարարություններն է արել: Նա հայտարարել է, որ «Ցեղասպանություն չի եղել» ասելով ինքը 75 մլն ժողովրդի առաջ իր պարտքն է կատարում, որպեսզի որևէ մեկը չկարողանա «ցեխ քսել թուրք ժողովրդի վրա»: Կարսում Բաղըշը կրկնել է նաև մոտ մեկ ամիս առաջ արած հայտարարությունը և ասել է. «Աստված հայերին խելք ու շնորհք թող տա, որ «Եվրատեսիլից» հրաժարվելու փոխարենՂարաբաղից հրաժարվեն»: Բաղըշը հայտարարել է, որ Եվրամիությունը պետք է նկատի Թուրքիայում տեղի ունեցող առաջընթացը: «15 տարի առաջ որևէ մեկը Թուրքիայում չէր համարձակվի ասել «ես քուրդ եմ», սակայն այսօր պետական հեռուստատեսությունը 24 ժամ քրդերենով թողարկում է հեռարձակում»,-ասել է նա: Նա պնդել է, որ Թուրքիայում երբևէ ալևիներին չեն ստիպել սուննի դառնալ, կամ հակառակը: Քրդերն էլ քուրդ են մնացել: