Թուրքիայի Կապի նախարարությունը հաքերների դեմ կիբերթիմ կստեղծի

Tert.am. 20-8-2012- Թուրքիայի Տրանսպորտի և կապի նախարարությունը, ըստ ամենայնի, կիբերթիմ ունենա, որը կպայքարի հաքերային հարձակումների դեմ, հայտնում է Hurriyet-ը: Թիմը հանդես կգա երկու բաժանմունքներով՝ Ազգային կիբերանվտանգության վարչության և Նախազգուշացման ու գործողությունների ազգային կենտրոնի: Այս մասին հայտնի է դարձել Ազգային կիբերանվտանգության մասին փաստաթղթից, որն առաջարկել է Տրանսպորտի և կապի նախարար Բինալի Յըլդըրըմը: Ըստ աղբյուրի՝ նման նախաձեռնության պատճառը Anonymous և Redhack հաքերային խմբերի հաջող հարձակումներն են հանրային կառույցների կայքերի վրա: Թուրքիան նախատեսում է այս նախաձեռնության շրջանակներում մինչև 2013-ի ավարտը արդիականացնել համապատասխան ենթակառուցվածքները: