Ղարաբաղյան հակամարտության խաղաղ կարգավորման բանակցություններում ԵԱՀԿ Մինսկի խմբի ներուժը լրիվ չի օգտագործվում: Ինչպես, ըստ «Նոյյան տապանի», հաղորդում են ադրբեջանական ԶԼՄ-ները, այս մասին հայտարարել է Ադրբեջանի արտաքին գործերի փոխնախարար Արազ Ազիմովը:«Մենք առաջարկում ենք կանոնավորապես, թեկուզեւ ամիսը մեկ անգամ, անցկացնել ԵԱՀԿ Մինսկի խմբի ընդլայնված կազմով հանդիպումներ հակամարտության կողմերի հետ»,- ասել է նա:
Ըստ Ա.Ազիմովի` այնպիսի պետությունների մասնակցությունը բանակցություններին, ինչպիսին են ՄԽ անդամ Թուրքիան, Գերմանիան եւ Շվեդիան, «կխոչընդոտի բանակցային գործընթացի մենաշնորհայնացմանը»: «Այդ պետությունները տարբեր մոտեցումներ ունեն իրադրության նկատմամբ, ինչը թույլ չի տա ԱՄՆ-ին, Ֆրանսիային եւ Ռուսաստանին մենաշնորհայնացնել բանակցային գործընթացը, եւ մեծ արդյունավետություն կհաղորդի բանակցություններին»,- նկատել է Ա.Ազիմովը:
Tehran Time
Yerevan Time
No comments:
Post a Comment