Հիլարի Քլինթոնին կվիրահատեն

Tert.am. 18-6-2009- Միացյալ Նահանգների պետքարտուղար Հիլարի Քլինթոնն ընկել և վնասել է արմուկը: Ինչպես հաղորդում են ամերիկյան լրատվամիջոցները, պատահարը տեղի է ունեցել Սպիտակ տան ճանապարհին։ Առաջիկա շաբաթվա ընթացքում Քլինթոնը վիրահատվելու է։ Վայր ընկնելու հետևանքով պետքարտուղարը ստացել է աջ արմունկի ոսկորի վնասվածք։ Ինչպես հայտնում է Dni.ru-ն, Քլինթոնին բուժօգնություն են ցուցաբերել Ջորջ Վաշինգթոնի անվան համալսարանում, այնուհետև նրան դուրս են գրել։ Քլինթոնը իր երախտագիտությունն է հայտնել բժիշկներին օգնության համար։ Հայտնի է, որ վիրահատությունը տեղի կունենա հաջորդ շաբաթ։