News.am. 30-3-2010- Կահիրեի համալսարանի Հայագիտական ուսումնասիրությունների կենտրոնում մարտի 29-30-ը տեղի է ունեցել «Հայերի դերը արաբական աշխարհի տնտեսության մեջ» թեմայով երրորդ միջազգային համաժողովը, որը հովանավորել է Կահիրեի համալսարանի ռեկտոր Հուսամ Քամելը։
Հայաստանի ԱԳՆ մամուլի ծառայությունից NEWS.am-ին հայտնում են, որ համաժողովի մասնակիցներին ողջունել են Եգիպտոսում Հայաստանի դեսպան Արմեն Մելքոնյանը, Կահիրեի համալսարանի բանասիրության ֆակուլտետի դեկան Զեն ալ-Աբիդին Աբու Խադրան եւ կենտրոնի տնօրեն Զեյնաբ Աբու Սիննան, որոնք բարձր են գնահատել կենտրոնի ծավալած աշխատանքը հայ-արաբական գիտակրթական եւ մշակութային համագործակցության զարգացման գործում։
Համաժողովին մասնակցել են ինչպես եգիպտացի, այնպես էլ Հայաստանից, Սիրիայից, Լիբանանից եւ ԱՄՆ-ից ժամանած թվով մոտ երկու տասնյակ գիտնականներ, որոնց զեկուցումները նվիրված էին պատմության տարբեր ժամանակահատվածներում հայ-արաբական տնտեսական առնչություններին եւ հարաբերություններին։ Բանախոսները բարձր են գնահատել դարերի ընթացքում հայերի ունեցած բացառիկ դերը՝ Մերձավոր Արեւելքում առեւտրի եւ տնտեսության տարբեր ճյուղերի զարգացման գործում։ Կենտրոնի կողմից որոշում է կայացվել համաժողովի նյութերը տպագրել առանձին պրակով։
Համաժողովի ավարտից հետո Կահիրեի համալսարանի ղեկավարությունը, մասնակիցները, ինչպես նաեւ ԵԱՀ կրթության նախարարի տեղակալ Մուհամմադ Գաբերը հյուրընկալվել են Կահիրեի Հայաստանի դեսպանությունում։
Wednesday, March 31, 2010
Subscribe to:
Post Comments (Atom)
No comments:
Post a Comment