«Լրագիր» 4-11-2010-Ռազմավարական և ազգային հետազոտությունների հայաստանյան կենտրոնի ավագ փորձագետ Մանվել Սարգսյանի խոսքով, Ղարաբաղի հարցով հայաստանյան քաղաքական ուժերը հստակ դիքորոշում չունեն: “ՀԱԿ ներկայացուցիչներն ասում են, որ ժամանակը դեռ չի եկել ճանաչելու համար և քայլեր ձեռնարկելը կարող է էլ ավելի բարդացնել իրավիճակը: Սակայն առաջարկներ չեն արվում, պատկերացում հարցի վերաբերյալ գոյություն չունի: Նույնը վերաբերում է նաև իշխանությանը: Նրանք ասում են, որ ճանաչումը կխանգարի Մինսկի խմբի շրջանակում գործընթացին, սակայն նունպես առաջարկներ չեն ներկայացնում և չեն փաստարկում, թե ինչպես կարող է ճանաչումը վնասել գործընթացին: Իշխանությունը ևս ցայտնոտի մեջ է”, ասում է Մանվել Սարգսյանը, ավելացնելով, որ գրեթե ոչ մի քաղաքական շրջանակ հարցը քննարկելու, լուծում գտնելու ցանկություն անգամ չունի:Մանվել Սարգսյանի խոսքով, բոլորը հույսը դրել են ԱՄՆ, Ռուսաստանի վրա, որ նրանք մի բան կանեն, մինչդեռ կարելի էր քննարկել ստեղծված իրավիճակը: “Չեմ կարծում, որ ուրիշ որևէ ժողովրդի մեջ այսպիսի վիճակ լինի”, ասում է նա:
Ինչ վերաբերում է բանակցություններին, Մանվել Սարգսյանը նշում է, որ Հայաստանը մի կողմից ասում է, որ Ղարաբաղը չի կարող լինել Ադրբեջանի կազմում, մյուս կողմից բանակցում է նրա հետ Ղարաբաղի կարգավիճակի շուրջ:
“Հայաստանում վախենում են իրավիճակի փոփոխությունից: Մինսկի խմբի գործունեությունն ուղղակի խոցելի տեղեր ունի Հայաստանի համար: Մինսկի խումբն ամեն կերպ թույլ չի տալիս Ղարաբաղի վերադարձ բանակցությունների սեղանին”, ասում է փորձագետը:
Նրա կարծիքով, Ադրբեջանը փայլուն գիտակցում է իրավիճակը և որ այս հարցում լուծում չի լինելու: Ադրբեջանը հարցը տեղափոխում է տարբեր միջազգային ատյաններ և ամեն անգամ մի նոր բանաձև է ստանում, որտեղ Հայաստանը ագրեսոր է հռչակվում: Ադրբեջանը փորձում է նաև աջակցություն գտնել հարցը ռազմական ճանապարհով լուծելու համար:
Սարգսյանի խոսքով, Մինսկի խմբի այս դրվածքը ձեռնտու է Ադրբեջանին, և այս գործում Ադրբեջանի գլխավոր դաշնակիցը Հայաստանն է: Չփորձելով փոխել իրավիճակը, նման քաղաքականությամբ Հայաստանը փաստորեն սպասարկում է Ադրբեջանի շահը:
Փորձագետը առաջարկում է ճանաչել Ղարաբաղի անկախությունը և դրանով հստակեցնել հայկական կողմի դիրքորոշումը: Դա բազմաթիվ հարցերի պատասխան կտա և Ադրբեջանին կստիպի խոսել Լեռնային Ղարաբաղի հետ:
Tehran Time
Yerevan Time
No comments:
Post a Comment