«WebԾիրան» համահայկական կինոփառատոն՝ Հայաստանում և արտերկրում ապրող բոլոր հայ կինոռեժիսորների համար

Panorama.am. 30-9-2011- «Ոսկե ծիրան» միջազգային կինոփառատոնը և Webtv.am ինտերնետ հեռուստատեսությունը հիմնել են «WebԾիրան» համահայկական կինոփառատոնը: Այն կմեկնարկի նոյեմբերի 15-ին և կավարտվի դեկտեմբերի 25-ին:

Կինոփառատոնին ներկայացված ֆիլմերը ցուցադրվելու են բացառապես webtv.am ինտերնետ հեռուստատեսությամբ:
Յուրաքանչյուր ֆիլմ webtv.am ինտերնետ հեռուստատեսությամբ ցուցադրվելու է 5 օր անընդմեջ, և այդ ընթացքում տեղի է ունենալու ինտերնետ քվեարկություն webtv.am ինտերնետ հեռուստատեսության կայքում:
Սահմանված է 2 մրցանակ. «WebԾիրան» գլխավոր մրցանակը` 1000 ԱՄՆ դոլարին համարժեք դրամ և խրախուսական մրցանակ` 500 ԱՄՆ դոլարին համարժեք դրամ:
«WebԾիրան» համահայկական կինոփառատոնին կարող են մասնակցել Հայաստանում և արտերկրում ապրող բոլոր հայ կինոռեժիսորները:
Մրցույթին կարող են ներկայացվել մինչև 20 րոպե տևողությամբ ֆիլմեր` առանց ժանրային սահմանափակումների` խաղարկային, վավերագրական, անիմացիոն և այլն:
«WebԾիրան» համահայկական կինոփառատոնին ներկայացված ֆիլմերը կարող են նկարահանված լինել ցանկացած տեխնիկական միջոցով:
Հաղթող ֆիմերը որոշվելու են ինտերնետ քվեարկության միջոցով: Արդյունքները հրապարակվելու են դեկտեմբերի 25-ին, մրցանակաբաշխության արարողության ժամանակ:
Այս մասին հայտնում են կինափառատոնի մամուլի ծառայությունից: