Թուրքիան պետք է անդակացի ԵՄ-ին. Ֆինլանդիայի ԱԳՆ

Tert.am. 18-2-2012- Ֆինլանդիայի արտգործնախարար Էրկի Թուոմիոյան հայտարարել է, թե Թուրքիան պետք է անդամակցի Եվրամիությանը: Ինչպես հաղորդոմ է ռուսական Vz.ru կայքը, Թուոմիոյան նման հայտարարությամբ հանդես է եկել Բրուքինգսի ինստիտուտում (ԱՄՆ, Վաշինգտոն)` Եվրոպայում մուսուլմանական համայնքի խնդիրներին նվիրված սեմինարի ժամանակ իր ելույթում: «Մենք Ֆինլանդիայում, ինչպես նաև ես անձամբ, շատ ակտիվ կերպով պաշտպանում ենք Եվրամիությանը Թուրքիայի անդամակցությունը»,-ասել է նա: Ֆինլանդիայի արտգործնախարարը հավելել է, թե Անկարայի` ԵՄ անդամակցության բոլոր չափանիշներին համապատասխանելու հարցը պետք է որոշվի «օբյեկտիվորեն»: Իր ելույթում Թուոմիոյան Թուրքիայի` ԵՄ-ին հնարավոր անդամակցությունը որպես «ռազմավարական հարց է» բնութագրել: «Չեմ կարծում, որ այդ քայլը բացասական հետևանքներ կունենա»,-ընդգծել է նա: ԵՄ-ին Թուրքիայի անդամակցության վերաբերյալ բանակցություններն սկսել են 2005 թվականից: Կառույցը, սակայն, Անկարայի առջև պայմաններ է դրել. այն Թուրքիային կոչ է անում ճանաչել Հայոց ցեղասպանությունը, Կիպրոսի Հանրապետությունը, բարելավել ազգային փոքրամասնությունների վիճակը, երկրում սահմանադրական բարեփոխումներ իրականացնել և այլն: