Իսրայելի ԱԳ նախարար. Իրանի և Արևմուտքի միջև ձեռք բերված ցանկացած համաձայնություն կողջունվի Թել Ավիվի կողմից

Panorama.am. 25-5-2012- Իսրայելն Իրանի և Արևմուտքի միջև ձեռք բերված ցանկացած համաձայնություն ողջունում է: Այդ մասին իրանական «ՖԱՐՍ» լրատվական գործակալության հաղորդմամբ՝ հայտարարել է Իսրայելի ԱԳ նախարար Ավիգդոր Լիբերմանը: Իրանական աղբյուրը նշում է, որ Իսրայելի ԱԳ նախարարն այն պարագայում է նմանատիպ հայտարարություն անում, երբ «5+1 խմբում» (ՄԱԿ-ի ԱԽ 5 մշտական անդամներ և Գերմանիա) ԱՄՆ-ի ներկայացուցիչն այսօր Բաղդադից մեկնելու է Իսրայել: Հավելենք, որ օրերս Իրանի և Ատոմային էներգիայի միջազգային գործակալության (ԱԷՄԳ) գլխավոր քարտուղար Յուկիա Ամանոն հայտարարել էր, որ միջուկային ծրագրի առնչությամբ շուտով Իրանի և ԱԷՄԳ-ի միջև համաձայնագիր կստորագրվի: