Ադրբեջանի բոլոր հակամարտությունները պոտենցիալ պատերազմի սպառնալիք ունեն

HayNews.am. 26-5-2012- Ադրբեջանի բոլոր հակամարտությունները, բացի Ռուսաստանից պոտենցիալ պատերազմի սպառնալիք ունեն: Այս մասին այսօր լրագրողների հետ հանդիպման ժամանակ հայտնեց ռազմական փորձագետ Արծրուն Հովհաննիսյանը: «Այն Փաստը, որ ադրբեջաննը հակամարտություն ունի իր հարևան բոլոր երկրների հետ, ապացուցում է Ադրբեջանի արհեստական պետություն լինելը: Մեր խնդիրն է աշխարհին ցույց տալ, որ չկա միայն Արցախի խնդիր, այլ խնդիր կա բոլորի հետ, և արտաքին ու ներքին լսարանին պետք է ցույց տանք, թե ով է իրականում այդ խնդիր ստեղծողը»,- ասաց Արծրուն Հովհաննիսյանը: Փորձագետը նշեց, որ Թուրքմենստանի հետ կոնֆլիկտն ամենաառնձնահատուկն է, քանի որ կապված է Ադրբեջանի միակ սնուցման աղբյուր հանդիսացող նավթի հետ. «Թուրքմենստանի հետ խնդիրը նավթի բաժանումն է, ինչը բոլորին էլ հայտնի է, որ Արցախյան խնդրում ներդրվող ահռելի գումարների հիմնական աղբյուրն է և, եթե նա կորցնի իր հիմնական նաֆթաջրածնի հանքը երկիրը կկանգնի ոչնչացման վտանգի առաջ»։ Բանախոսի խոսքերով՝ այսօր Ադրբեջանում տիրող բռնատիրական իրավիճակը ապացուցում է, որ ցանկացած արտաքին ճնշում կարող է հանգեցնել Ադրբեջանի ներսում պառակտման և պայթունի. «Մեզ ձեռնատու է Ադրբեջան, որը թաղված է մեծ խաբեության մեջ, դրա հետևանքն է լինելու մեծ կրիզիսն ու պայթունը»: Իսկ վերջում հավելեց, որ Հայաստանի գլխավոր օգուտը իրողության ճիշտ լուսաբանումն է, ինչը մեծապես կախված է լրատվամիջոցներից: