«Ազատություն» 25-3-2009- Խորհրդարանում ներկայացված միակ ընդդիմադիր ուժը` «Ժառանգություն» կուսակցությունը, որը մայիսի 31-ին կայանալիք Երեւանի ավագանու ընտրություններին մասնակցության հայտ չի ներկայացրել, այսուհետ, ինչպես այսօր լրագրողների հետ հանդիպմանը հավաստիացրեց կուսակցության խորհրդարանական խմբակցության անդամ Վարդան Խաչատրյանը, մասնակցելու է «բոլոր ընտրություններին` առանց բացառությունների»:
Լրագրողների հետ հանդիպմանը Վարդան Խաչատրյանը ասաց նաեւ, որ կուսակցություն ներսում մայրաքաղաքի ավագանու ընտրությունների կապակցությամբ քննարկվել են թվով ավելի շատ ցուցակներ, քան հայտնի է հանրությանը: Եղել է ցուցակ «Ժառանգության» խորհրդարանական խմբակցության նախագահ Արմեն Մարտիրոսյանի գլխավորությամբ, մեկ այլ տարբերակը գլխավորել է կուսակցության հիմնադիր Րաֆֆի Հովհաննիսյանը: Եղել է անգամ ցուցակի նախագիծ, որը գլխավորել է Հայաստանի առաջին նախագահ, Հայ ազգային կոնգրեսի առաջնորդ Լեւոն Տեր-Պետրոսյանը. - «Ես ասում եմ, եւ պատասխանատու եմ խոսքերիս համար»:
«Ժառանգության»` մայիսի 31-ի ընտրություններին չմասնակցելու որոշումը, ըստ Վարդան Խաչատրյանի, ծայրահեղ քայլ էր. - «Կուսակցությունը այդ հաղթաքարտը` ինչպես մենք պատկերացնում էինք, չվերցնելու, չփոշիացնելու համար, այնուամենայնիվ գնաց այնպիսի ծայրահեղ միջոցի, ինչպիսին էր սեփական մասնակցության բացառումը»:
Ասուլիսին մասնակցում էր նաեւ «Ժառանգություն» կուսակցության մամուլի խոսնակ Հովսեփ Խուրշուդյանը: Նա ասաց, որ կուսակցությունը հետեւելու է մայիսի 31-ին ընտրությունների օրինականությանը:
«Այս անգամ «ժառանգություն»-ը ունի բավարար թվով լիցենզավորված անդամներ: Այդ թվաքանակը ծածկում է ամբողջ Երեւանը», - ասաց նա:
Հարցին, թե հնարավոր է, որ քաղաքական պայմանավորվածության արդյունքում «Ժառանգություն»-ը ընտրական հանձնաժողովներում իր տեղերը զիջի Հայ ազգային կոնգրեսի ներկայացուցիչներին, Խուրշուդյանը արձագանքեց. - «Ընտրական հանձնաժողովներում տեղերը չեն տալիս, չեն վերցնում: Իրավական առումով, բառիս բուն իմաստով նոնսենս է»:
«Մենք որեւէ պաշտոնական դիմում, խնդրանք չենք ստացել նման բանի կապակցությամբ», - հավելեց նա:
Լեւոն Տեր-Պետրոսյանի մամուլի խոսնակ Արման Մուսինյանը «Ազատություն» ռադիոկայանին այսօր փոխանցեց, որ Հայ ազգային կոնգրեսը դեռ չի քննարկել ընտրական հանձնաժողովներում «Ժառանգության» տեղերը խնդրելու հարցը:
Անուշ ՄարտիրոսյանThursday, March 26, 2009
«Ժառանգություն»-ը այսուհետ մասնակցելու է բոլոր ընտրություններին
«Ազատություն» 25-3-2009- Խորհրդարանում ներկայացված միակ ընդդիմադիր ուժը` «Ժառանգություն» կուսակցությունը, որը մայիսի 31-ին կայանալիք Երեւանի ավագանու ընտրություններին մասնակցության հայտ չի ներկայացրել, այսուհետ, ինչպես այսօր լրագրողների հետ հանդիպմանը հավաստիացրեց կուսակցության խորհրդարանական խմբակցության անդամ Վարդան Խաչատրյանը, մասնակցելու է «բոլոր ընտրություններին` առանց բացառությունների»:
Լրագրողների հետ հանդիպմանը Վարդան Խաչատրյանը ասաց նաեւ, որ կուսակցություն ներսում մայրաքաղաքի ավագանու ընտրությունների կապակցությամբ քննարկվել են թվով ավելի շատ ցուցակներ, քան հայտնի է հանրությանը: Եղել է ցուցակ «Ժառանգության» խորհրդարանական խմբակցության նախագահ Արմեն Մարտիրոսյանի գլխավորությամբ, մեկ այլ տարբերակը գլխավորել է կուսակցության հիմնադիր Րաֆֆի Հովհաննիսյանը: Եղել է անգամ ցուցակի նախագիծ, որը գլխավորել է Հայաստանի առաջին նախագահ, Հայ ազգային կոնգրեսի առաջնորդ Լեւոն Տեր-Պետրոսյանը. - «Ես ասում եմ, եւ պատասխանատու եմ խոսքերիս համար»:
«Ժառանգության»` մայիսի 31-ի ընտրություններին չմասնակցելու որոշումը, ըստ Վարդան Խաչատրյանի, ծայրահեղ քայլ էր. - «Կուսակցությունը այդ հաղթաքարտը` ինչպես մենք պատկերացնում էինք, չվերցնելու, չփոշիացնելու համար, այնուամենայնիվ գնաց այնպիսի ծայրահեղ միջոցի, ինչպիսին էր սեփական մասնակցության բացառումը»:
Ասուլիսին մասնակցում էր նաեւ «Ժառանգություն» կուսակցության մամուլի խոսնակ Հովսեփ Խուրշուդյանը: Նա ասաց, որ կուսակցությունը հետեւելու է մայիսի 31-ին ընտրությունների օրինականությանը:
«Այս անգամ «ժառանգություն»-ը ունի բավարար թվով լիցենզավորված անդամներ: Այդ թվաքանակը ծածկում է ամբողջ Երեւանը», - ասաց նա:
Հարցին, թե հնարավոր է, որ քաղաքական պայմանավորվածության արդյունքում «Ժառանգություն»-ը ընտրական հանձնաժողովներում իր տեղերը զիջի Հայ ազգային կոնգրեսի ներկայացուցիչներին, Խուրշուդյանը արձագանքեց. - «Ընտրական հանձնաժողովներում տեղերը չեն տալիս, չեն վերցնում: Իրավական առումով, բառիս բուն իմաստով նոնսենս է»:
«Մենք որեւէ պաշտոնական դիմում, խնդրանք չենք ստացել նման բանի կապակցությամբ», - հավելեց նա:
Լեւոն Տեր-Պետրոսյանի մամուլի խոսնակ Արման Մուսինյանը «Ազատություն» ռադիոկայանին այսօր փոխանցեց, որ Հայ ազգային կոնգրեսը դեռ չի քննարկել ընտրական հանձնաժողովներում «Ժառանգության» տեղերը խնդրելու հարցը:
Անուշ Մարտիրոսյան
Subscribe to:
Post Comments (Atom)
Tehran Time
Yerevan Time
No comments:
Post a Comment