«Ազատամտություն». Ինչու են աղմկում դաշնակցականները

Tert.am. 29-4-2009- Օրաթերթն իր տեսակետն է հայտնում ՀՅԴ կոալիցիայից դուրս գալու որոշման վերաբերյալ: Ներկայացնենք հրապարակման առաջին մասը միայն: Ինչու են աղմկում դաշնակցականները Կոալիցիայից դաշնակցականների դուրս գալը բազմաթիվ մեկնաբանությունների, կանխատեսումների և ասեկոսեների տեղիք տվեց։ Ոմանք ասում են, թե դաշնակցականները հեռացել են, որպեսզի վերադառնան Ռոբերտ Քոչարյանի հետ։ Մյուսներն ասում են, թե մայրաքաղաքային ընտրությունների նախօրեին դաշնակցականները գնացին ընդդիմություն՝ առավել ձայներ հավաքելու նպատակով։ Ոմանք էլ հավատում են դաշնակցականների անկեղծությանը և վստահում են ՀՅԴ Գերագույն մարմնի պաշտոնական հայտարարության տեքստին, որտեղ ասված է, թե կուսակցությունը լքում է իշխանությունը՝ արտաքին քաղաքականության հարցերի շուրջ տարաձայնությունների պատճառով։ Թերևս, այս կարծիքներից յուրաքանչյուրն իրական հիմք ունի. իսկապես, չի կարելի ժխտել, որ Ռոբերտ Քոչարյանը դաշնակցականների համար շատ ավելի հարմար նախագահ էր, քան պետության ներկա ղեկավարը։ Ուրեմն, ինչո՞ւ չփորձեն վերադարձնել իրերի նախկին վիճակը։...