«Առավոտ» 1-4-2009- Ըստ Արժույթի միջազգային հիմնադրամի (ԱՄՀ ) եւ Համաշխարհային բանկի (ՀԲ ) կանխատեսումների, տնտեսական ճգնաժամի պայմաններում արտաքին պահանջարկի նշանակալի կրճատումը եւ անբարենպաստ առեւտրի պայմանները կշարունակեն Հայաստանի տնտեսության վրա բացասաբար անդրադառնալ: Այս մասին տեղեկացնում է Կենտրոնական բանկը:
Ըստ կանխատեսումների, շինարարության ոլորտում 2009-ին շարունակվելու է նվազման միտումը, ինչը պայմանավորված է արդյունաբերության եւ ծառայությունների ոլորտներում ներդրումային նախագծերի շարունակական հետաձգմամբ, ինչպես նաեւ շինարարության աճի տեմպերի ակնկալվող նվազմամբ:
2008-ի վերջին երկու ամիսներին մանրածախ առեւտրաշրջանառության ոլորտում արձանագրված աճի տեմպի նվազման միտումները կդրսեւորվեն նաեւ այս տարի: ԱՄՀ-ն եւ ՀԲ-ն վերանայել են նաեւ արդյունաբերության ոլորտի կանխատեսումները եւ այստեղ եւս արձանագրել աճի տեմպերի նվազում: Սա պայմանավորված է համաշխարհային պահանջարկի անկման արդյունքում հանքարդյունաբերության, քիմիական արդյունաբերության եւ մետաղագործության ոլորտներում արտադրական ծավալների անկմամբ:
Ինչ վերաբերում է աշխատավարձերին, ապա կանխատեսվում է, որ այս տարի մասնավոր հատվածում միջին աշխատավարձը կնվազի ավելի քան 7%-ով՝ պայմանավորված տնտեսության մեջ աշխատուժի առաջարկի էական աճով: Կանխատեսվում է, որ աշխատավարձերը կավելացնեն միայն բյուջետային ֆինանսավորում ունեցող կազմակերպությունները:
Thursday, April 2, 2009
Subscribe to:
Post Comments (Atom)
Tehran Time
Yerevan Time
No comments:
Post a Comment