ԻՐԱՆԱՀԱՅ ՀԱՄԱՅՆՔՈՒՄ ՀԱՅ-ԹՈՒՐՔԱԿԱՆ ՀԱՐԱԲԵՐՈՒԹՅՈՒՆՆԵՐԻ ԹԵՄԱՅՈՎ ՄԻՆՉ ՕՐՍ ՔՆՆԱՐԿՈՒՄՆԵՐ ՉԵՆ ԾԱՎԱԼՎԵԼ

«Զարմանքով տեղեկացանք, որ ոմն Արշալույս Աղայան Հայաստանում հանդես է եկել իրանահայության անունից։ Արշալույս Աղայանի արած հայտարարությունը իր սեփական կարծիքից ավելին չի կարող լինել», -արձագանքելով «Կայունություն» հասարակական շարժման համանախագահ, «Հայրենադարձ իրանահայություն» մշակութային հասարակական կազմակերպության պատասխանատու Արշալույս Աղայանի` Երևանում կազմակերպված մամուլի ասուլիսին և դրան հաջորդած Panorama.am-ի հրապարակմանը` հաղորդագրություն է տարածել «Իրանահայեր Լրատու Ցանցը»։ «Պաշտոնապես հայտարարում ենք որ Իրանահայ համայնքում մինչ օրս չեն ծավալվել քննարկումներ հայ-թուրքական հարաբերությունների թեմայով և համայնքի ոչ մի կառույցի կողմից նմանատիպ հայտարարություններ չեն եղել, ուստի` Արշալույս Աղայանի արած հայտարարությունը իր սեփական կարծիքից ավելին չի կարող լինել», -ասված է նույն հաղորդագրության մեջ։ Աղբյուր` Panorama.am - 12-9-2009