Թուրքիայում ակտիվորեն զբաղվելու են հայ համայնքի խնդիրներով. Էրդողան

Tert.am. 23-11-2009- Երեկ Թուրքիայի վարչապետ Ռեջեփ Թայիփ Էրդողանը, ելույթ ունենալով «Արդարություն և զարգացում» կուսակցության ներկայացուցիչների առջև, անդրադարձել է Թուրքիայում բնակվող փոքրամասնությունների և, մասնավորապես, հայերի խնդիրներին։ Ինչպես հաղորդում է Tert.am–ի թղթակիցը Ստամբուլից, Էրդողանը նշել է, որ կառավարությունը պետք է սկսի զբաղվել նաև երկրում բնակվող հայերի և հայ համայնքի խնդիրներով, ինչպես եղավ քրդերի դեպքում։ Էրդողանի խոսքով՝ իրենք արդեն հանդիպել են համայնքի ներկայացուցիչների հետ և սկսել են որոշ հարցեր քննարկել։ Թուրքիայի վարչապետը նաև խոստացել է ուշադրության կենտրոնում պահել հայ համայնքի խնդիրները։