Թուրքիայի զինված ուժերի եւ իրանական բանակի համատեղ գործողությունների արդյունքում սպանվել են 9 քուրդ զինյալ

News.am. 10-12-2009- Թուրքիայի զինված ուժերի եւ իրանական բանակի համատեղ գործողությունների արդյունքում Թուրքիայի Մարդին եւ Շրնաք նահանգներում սպանվել են PKK-ի (Քրդական բանվորական կուսակցություն) 9 զինյալներ։ Այդ կազմակերպությունից փախած չորս զինյալ հանձնվել է թուրք իրավապահներին։ Թուրքական Stargundem կայքէջի փոխանցմամբ՝ սպանված զինյալների մեջ եղել են սիրիացի եւ իրանցի քրդեր։ Սպանված 9 քուրդ զինյալների մեջ են եղել PKK-ի Մարդինի պատասխանատու՝ Ռուստում ծածկանունով Օմեր Մուսլումը եւ Շրնաքի պատասխանատու՝ Ջուդի ծածկանունով Ռեշադ Չիչեքը։ Այս տարի թուրք իրավապահներին հանձնված քուրդ զինյալների թիվը հասել է 323-ի։ Միայն հոկտեմբերին 34 հոգի Իրաքից տեղափոխվեցին Թուրքիայի եւ կարճ հարցաքննությունից հետո՝ ազատ արձակվեցին։