Եմ-ն ընդամենը կտուժի, եթե մերժի Թուրքիային անդամագրել

/PanARMENIAN.Net/ 13.12.2009 - Եվրամիությունը սխալ կգործի` մերժելով Թուրքիային ԵՄ անդամ դառնալ: Այս մասին հայտարարել է Թուրքիայի վարչապետ Ռջեփ Թայիփ Էրդողանը: Նրա խոսքերի համաձայն, կընդունե՞ն Թուրքիային Եվրամիություն, թե՞ ոչ` նա արդեն ԵՄ-ի մի մասնիկն է: «ԵՄ երկրներում ապրում է մոտ հինգ միլիոն թուրք: ԵՄ-ն միայն կտուժի, եթե Անկարան նրա շարքերում չլինի», - նշել է Էրդողանը: Միաժամանակ նա նշել է, որ ԵՄ են մտել այնպիսի երկրներ, որոնք Թուրքիայի հետ համեմատվել չեն կարող իրենց տնտեսությամբ կամ ազատության հարցերով: Թուրքիայի վարչապետի կարծիքով, հիմնական պատճառը, որ չեն ուզում իր երկրին ԵՄ ընդունել` քաղաքական է: «Եթե ԵՄ-ն վերջնական որոշում կայացնի չընդունել Անկարային եվրոպական ընտանիքի մեջ, ապա Թուրքիան որոշակի քայլեր կձեռնարկի` հիմնվելով այդ որոշման վրա», - ընդգծել է Էրդողանը: Նա նաեւ անդրադարձել է Թուրքիայում Հայոց ցեղասպանության հարցին` ասելով, որ 2005 թ. իրենք նամակ են ուղարկել այն ժամանակ գործող նախագահ Ռոբերտ Քոչարյանին, առաջարկելով, որ Հայերի ցեղասպանության հարցով զբաղվեն պատմաբանները, սակայն պատասխան այդպես էլ չեն ստացել, հաղորդում է Anadolu Ajansi-ը: