News.am. 1-12-2009- Եվրոպական Միությունը սատարում է ղարաբաղյան հակամարտության կարգավորման ԵԱՀԿ Մինսկի խմբի ջանքերը՝ սկզբունքների եւ միջազգային նորմերի «տեղին համադրմամբ»: Այդ մասին այսօր՝ դեկտեմբերի 1-ին հայտարարել է ԵՄ-ում նախագահող Շվեդիայի ԱԳՆ ղեկավար Կառլ Բիլդտը՝ ելույթ ունենալով Աթենքում ընթացող ԵԱՀԿ ԱԳՆԽ նիստում:
«Տեղին համադրման» տակ, ըստ նրա, պետք է հասկանալ Հայաստանի եւ Ադրբեջանի տարածքային ամբողջականության պահպանումն ու ԵԱՀԿ այլ սկզբունքներ, ինչպես օրինակ «ուժի չկիրառումն ու ժողովուրդների ինքնորոշման իրավունքը»:
«Մենք ողջունում ենք այս տարի բանակցությունների ակտիվացումը, եւ կրկին կոչ ենք անում Հայաստանին եւ Ադրբեջանին՝ անհրաժեշտ որոշումներ ընդունել 2007թ. նոյեմբերի 29-ին Մադրիդում առաջարկված հիմնարար սկզբունքների միջոցով ճեղքման հասնելու համար»,- հայտարարել է Բիլդտը:
Wednesday, December 2, 2009
Subscribe to:
Post Comments (Atom)
No comments:
Post a Comment