7or.am. 18-1-2010- Ղարաբաղյան հարցում Ռուսաստանի ակտիվացման մասին խոսելիս՝ ՌԳԱ ազգագրության ու մարդաբանության ինստիտուտի Կովկասի բաժնի վարիչ Սերգեյ Հարությունովը կարծիք է հայտնել, որ չի կարելի Ռուսաստանի ակտիվացման մասին խոսել։ Ռուսաստանը, նրա կարծիքով, զուսպ, բանական, բալանսավորված և զգուշավոր մոտեցման օրինակ է ցույց տալիս։
Ալեքսանդր Սկակովը նշել է, որ Ռուսաստանի դերի ակտիվացումը սկսվել է ոչ թե այսօր, այլ 2008թ. օգոստոսյան իրադարձություններից հետո, քանի որ Կովկասում ղարաբաղյան հակամարտությունը Ռուսաստանի համար մնում էր ամենալուրջ հակամարտություններից մեկը։ Դա համընկավ նաև Ադրբեջանի և Ռուսաստանի հարաբերությունների բարելավման հետ, այսինքն Ռուսաստանն ավելի ակտիվ, ներգրավված և հետաքրքրված խաղացող դարձավ այդ տարածաշրջանում։
ԵԱՀԿ Մինսկի խմբի ռուսաստանցի նախկին համանախագահ Վլադիմիր Կազիմիրովը նշել է, որ Ռուսաստանն ի սկզբանե հետաքրքրված է եղել այդ հակամարտությամբ և մնացած պետություններից ակտիվ է եղել։
-Չեմ զարմանա, որ երեք նախագահների հանդիպման ժամանակ ինչ-որ առաջընթաց տեղի ունենա, սակայն շրջադարձային ձեռքբերումների կանխատեսումներ անելուց զերծ կմնայի։ Սակայն կարծում եմ, որ փոքր առաջխաղացումներ կլինեն,- նշել է Վ.Կազիմիրովը։
Tuesday, January 19, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment