Հայ շախմատիստներն անհաջող են խաղում Իրանում

News.am. 18-2-2010- Իրանի Ռաշ քաղաքում ավարտին է մոտենում «Կասպյան գավաթ» մրցաշարը, որին մասնակցում են Հայաստանի, Վրաստանի, Ադրբեջանի, Թուրքմենստանի եւ Իրանի 80 ներկայացուցիչներ: Armchess.am կայքի փոխանցմամբ՝ վերջին տուրից առաջ հայ շախմատիստներից համեմատաբար բարձր արդյունքներ ունեն գրոսմայստերներ Արթուր Չիբուխչյանը, Լեւոն Բաբուջյանը եւ միջազգային վարպետ Ռոբերտ Հովհաննիսյանը, որոնք 8 հնարավորից վաստակել են 5,5-ական միավոր: Նրանք երեք առաջատարներից ետ են մնում մեկական միավորով: