Panorama.am. 13-2-2010- «Ես չեմ հավատում, որ Ադրբեջանի և Հայաստանի միջև ԼՂ հիմնախնդրի կարգավորման պատճառով լայնամասշտաբ ռազմական գորողություններ կծավալվեն»,- Վեստի.ազ լրատվական գործակալությանը տված հարցազրույցում նշել է Խաղաղության և ժողովրդավարության ինստիտուտի կոնֆլիկտալոգիայի բաժնի տնօրեն Արիֆ Յունուսը:
Քաղաքագետը չի հավատում ռազմական գործողությունների վերսկսմանն ու նշում, որ տարածաշրջանում մեծ է գերտերությունների ուշադրությունը, որոնց շահերին ևս հակասում է ԼՂ հիմնախնդրի կարգավորման ուժային տարբերակը:
Յունուսն ընդգծել է, որ այն կողմը, որն առաջինը կսկսի ռազմական գործողությունները, միջազգային հանրության կողմից աջակցություն չի ստանա: Միջազգային հանրության ջանքերն ուղղված են նրան, որպեսզի հնարավոր զարգացումները մարվեն դեռևս սաղմնային վիճակում:
Յունուսը ասել է, որ Արևմուտքը հետաքրքրված է տարածաշրջանի էներգետիկ նախագծերով և ամեն ինչ կանի, որպեսզի դրանց անվտանգությունը պաշտպանված լինի: Քաղաքագետը նշել է, որ այս դեպքում էներգետիկ նախագծերը խաղաղապահների դեր են կատարում, ընդ որում` դրանք ավելի արդյունավետ ազդեցությու ունեն, քան կարելի է ակնկալել միջազգային խաղաղապահ զորքերի տեղակայման պարագայում:
Saturday, February 13, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment