Ալի Լարիջանի. Ղարաբաղյան հակամարտության լուծումը կարեւոր է ողջ տարածաշրջանի համար

/PanARMENIAN.Net/ 21.02.2010 - Իրանի քաղաքականության հիմնական առաջնությունը կայանում է տարածաշրջանային խնդիրների լուծման մեջ, ասել է Իրանի խորհրդարանի խոսնակ Ալի Լարիջանին Ադրբեջանի խորհրդարանի խոսնակ Օկտայ Ասադովի հետ, որը գտնվում էր Թեհրանում: «Ղարաբաղյան հակամարտության լուծումը կարեւոր է ողջ տարածաշրջանի համար», - ասել է Լարիջանին, հաղորդում է Mehr-ը: Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: