Հրանտ Դինքի սպանությունը «Էրգենեքոնի» մի մասն է. Սաֆրաստյան

Tert.am. 23-2-2010- ՀՀ ԳԱԱ Արևելագիտության ինստիտուտի տնօրեն, թուրքագետ Ռուբեն Սաֆրաստյանը կարծում է, որ «Ակօս» թերթի գլխավոր խմբագիր Հրանտ Դինքի սպանությունը «Էրգենեքոն» աղմկահարույց գործի մի մասն է։ Այսօր կայացած մամուլի ասուլիսում Սաֆրաստյանը նաև հիշեցրեց, որ ինքն այդ նույն կարծիքը հնչեցրել է Դինքի սպանությանը հաջորդած առաջին օրերին։ Ըստ Սաֆրաստյանի՝ այդ ժամանակ նա ապացույցներ չուներ, սակայն այժմ այդ տեղեկությունները հրապարակված են։ Հիշեցնենք, որ «Բալյոզ» հեղաշրջման ծրագրով, թուրքական լրատվամիջոցների հաղորդմամբ, նախատեսվում էր ձերբակալել 36 լրագրողի, այդ թվում՝ «Ակօս» շաբաթաթերթի խմբագրապետ Հրանտ Դինքին և «Ակօս»-ի ներկայիս գլխավոր խմբագիր Էթյեն Մահչուփյանին։