«Ազատություն» 22-4-2010- Միացյալ Նահանգների Կոնգրեսի Ներկայացուցիչների պալատի խոսնակ Նենսի Փելոսին եւ դեմոկրատ մեծամասնության ղեկավար Սթեյնի Հոյերը չորեքշաբթի օրը վերահաստատել են Հայոց ցեղասպանությունը ճանաչող բանաձեւը ընդունելու իրենց հանձնառությունը:
Վաշինգտոնի Հայ դատի գրասենյակի փոխանցմամբ` ելույթ ունենալով Հայոց ցեղասպանության հիշատակի արարողությանը, որ Կոնգրեսի շենքում կազմակերպել էր Կոնգրեսի հայկական հարցերով հանձնախումբը, Նենսի Փելոսին ողջունել է Ներկայացուցիչների պալատի արտաքին հարաբերությունների հանձնաժողովի կողմից թիվ 252 բանաձեւի նախագծի ընդունումը եւ կոչ է արել գործընկերներին կանգ չառնել, մինչեւ Միացյալ Նահանգների ամբողջ կառավարությունը պատշաճ ձեւով չճանաչի այդ ոճիրը որպես ցեղասպանություն:
Փելոսին շեշտել է նաեւ, որ այս խնդիրը մարտահրավեր է Ամերիկայի խղճին:
Սթեյնի Հոյերը, իր հերթին, կոչ է արել գործընկերներին եւ բոլոր ամերիկացիներին երբեք չմնալ ցեղասպանության սովորական վկաների դերում:
Պալատի արտաքին հարաբերությունների հանձնաժողովի նախագահ Հովարդ Բերմանը խոսել է ինչպես ցեղասպանությանը, այնպես էլ դրա ուրացմանը ընդդիմանալու բարոյական պարտավորության մասին, որը, ըստ նրա, ունեն բոլոր ամերիկացիները:
Թիվ 252 օրինագծի հեղինակ Ադամ Շիֆը վստահեցրել է, որ հետամուտ է լինելու Հայոց ցեղասպանությունը ճանաչող բանաձեւի ընդունմանը Կոնգրեսի երկու պալատներում եւ այդ հանցագործության լիակատար ճանաչմանը Միացյալ Նահանգների կառավարության կողմից:
Հայ դատի գրասենյակի հաղորդագրության համաձայն, միջոցառմանը մասնակցող շուրջ երկու տասնյակ կոնգրեսականների թվում էին նաեւ հայկական ծագում ունեցող երկու օրենսդիրները` Կալիֆորնիան ներկայացնող դեմոկրատներ Ջեքի Սփայերը եւ Աննա Էշուն, որոնք նույնպես իրենց ելույթներում հավաստիացրել են, որ հետեւողականորեն հետամուտ են լինելու Միացյալ Նահանգների կողմից Հայոց ցեղասպանության ճանաչմանը:
Արարողությանը մասնակցել են ամերիկահայ համայնքի ներկայացուցիչներ, Հայ Առաքելական եկեղեցու բարձրաստիճան հոգեւորականներ, ԱՄՆ-ում Հայաստանի դեսպան Թաթուլ Մարգարյանը, Վաշինգտոնում Լեռնային Ղարաբաղի ներկայացուցիչ Ռոբերտ Ավետիսյանը:Thursday, April 22, 2010
Ներկայացուցիչների պալատի ղեկավարությունը վերահաստատում է Հայոց ցեղասպանության բանաձեւը ընդունելու իր հանձնառությունը
«Ազատություն» 22-4-2010- Միացյալ Նահանգների Կոնգրեսի Ներկայացուցիչների պալատի խոսնակ Նենսի Փելոսին եւ դեմոկրատ մեծամասնության ղեկավար Սթեյնի Հոյերը չորեքշաբթի օրը վերահաստատել են Հայոց ցեղասպանությունը ճանաչող բանաձեւը ընդունելու իրենց հանձնառությունը:
Վաշինգտոնի Հայ դատի գրասենյակի փոխանցմամբ` ելույթ ունենալով Հայոց ցեղասպանության հիշատակի արարողությանը, որ Կոնգրեսի շենքում կազմակերպել էր Կոնգրեսի հայկական հարցերով հանձնախումբը, Նենսի Փելոսին ողջունել է Ներկայացուցիչների պալատի արտաքին հարաբերությունների հանձնաժողովի կողմից թիվ 252 բանաձեւի նախագծի ընդունումը եւ կոչ է արել գործընկերներին կանգ չառնել, մինչեւ Միացյալ Նահանգների ամբողջ կառավարությունը պատշաճ ձեւով չճանաչի այդ ոճիրը որպես ցեղասպանություն:
Փելոսին շեշտել է նաեւ, որ այս խնդիրը մարտահրավեր է Ամերիկայի խղճին:
Սթեյնի Հոյերը, իր հերթին, կոչ է արել գործընկերներին եւ բոլոր ամերիկացիներին երբեք չմնալ ցեղասպանության սովորական վկաների դերում:
Պալատի արտաքին հարաբերությունների հանձնաժողովի նախագահ Հովարդ Բերմանը խոսել է ինչպես ցեղասպանությանը, այնպես էլ դրա ուրացմանը ընդդիմանալու բարոյական պարտավորության մասին, որը, ըստ նրա, ունեն բոլոր ամերիկացիները:
Թիվ 252 օրինագծի հեղինակ Ադամ Շիֆը վստահեցրել է, որ հետամուտ է լինելու Հայոց ցեղասպանությունը ճանաչող բանաձեւի ընդունմանը Կոնգրեսի երկու պալատներում եւ այդ հանցագործության լիակատար ճանաչմանը Միացյալ Նահանգների կառավարության կողմից:
Հայ դատի գրասենյակի հաղորդագրության համաձայն, միջոցառմանը մասնակցող շուրջ երկու տասնյակ կոնգրեսականների թվում էին նաեւ հայկական ծագում ունեցող երկու օրենսդիրները` Կալիֆորնիան ներկայացնող դեմոկրատներ Ջեքի Սփայերը եւ Աննա Էշուն, որոնք նույնպես իրենց ելույթներում հավաստիացրել են, որ հետեւողականորեն հետամուտ են լինելու Միացյալ Նահանգների կողմից Հայոց ցեղասպանության ճանաչմանը:
Արարողությանը մասնակցել են ամերիկահայ համայնքի ներկայացուցիչներ, Հայ Առաքելական եկեղեցու բարձրաստիճան հոգեւորականներ, ԱՄՆ-ում Հայաստանի դեսպան Թաթուլ Մարգարյանը, Վաշինգտոնում Լեռնային Ղարաբաղի ներկայացուցիչ Ռոբերտ Ավետիսյանը:
Subscribe to:
Post Comments (Atom)
Tehran Time
Yerevan Time
No comments:
Post a Comment