Ալեքսանդրիայի (Եգիպտոս) համալսարանի Դամանհուրի մասնաճյուղի գրականության ֆակուլտետի պրոֆեսոր Մոհամեդ Ռեֆաաթ էլ Իմամը արդի եւ ժամանակակից պատմության մասնագետ է, որ նաեւ հայ-արաբական մշակութային մերձեցմանը նպաստող արաբալեզու «Արեգ» պարբերականի գլխավոր խմբագիրն է: Մի շարք հրապարակումների հեղինակ է, որոնք վերաբերում են Հայկական հարցին, Հայ դատին եւ հայերին Եգիպտոսում: Մոհամեդ Ռեֆաաթը մասնակցում էր նախորդ շաբաթ Երեւանում անցկացված «Ցեղասպանության հանցագործությունը. կանխարգելում, դատապարտում եւ հետեւանքների վերացում» միջազգային գիտաժողովին` ներկայացնելով «1909 թ. Ադանայում տեղի ունեցած հայերի կոտորածների եւ դրա ազդեցությունը Եգիպտոսում» թեմայով զեկույց: Ներկայացնում ենք Մոհամեդ Ռեֆաաթի հարցազրույցը «Ազգին»:
- Պրն Ռեֆաաթ, որպես Հայկական հարցի եւ հայության խնդիրների նկատմամբ հետաքրքրություն ունեցող պատմաբան, ինչպիսի՞ն է Ձեր դիրքորոշումը հայության եւ հայկական հարցի առնչությամբ:
- Հայկական հարցը ամենադժվարին հարցերից մեկն է Արեւելքում առկա խնդիրներից, հատկապես որ հայկական հարցը միջազգայնացվել է դեռեւս 1878 թ Բեռլինի վեհաժողովի ժամանակ: Հայկական հարցի միջազգայնացման պատճառ դարձավ հենց Օսմանյան կայսրությունում իրականացվող հալածանքը հայերի նկատմամբ: Տարածաշրջանային եւ ընդհանրապես աշխարհի բոլոր երկրներն օգտվեցին Հայկական հարցից` իրենց շահերի իրագործման համար: Առաջատար պետությունները եւս այս հարցին նայեցին Օսմանյան կայսրության հետ իրենց սեփական շահերի տեսանկյունից: Ուզում եմ ընդգծել, որ Հայկական հարցը կրոնական հիմք չուներ, այլ մշտապես եղել եւ մնում է շահերի խնդիր:
- Ի՞նչ բնութագրական կարելի է տալ հայ-եգիպտական հարաբերություններին:
- Եգիպտոսը ամուր հարաբերություններ ունի Հայաստանի հետ: Խորհրդային Միության փլուզումից հետո Եգիպտոսը երկրորդ արաբական երկիրն էր, Լիբանանից հետո, որ դիվանագիտական հարաբերություններ հաստատեց Հայաստանի Հանրապետության հետ: Հայաստանը արաբական աշխարհում իր առաջին դեսպանատունը Եգիպտոսում ունեցավ, եւ առաջին դեսպանը պարոն Էդվարդ Նալբանդյանն էր, որը կարեւոր դերակատարություն ունեցավ հայ-եգիպտական հարաբերությունների զարգացման գործում` հիմք դնելով Եգիպտոսի եւ Հայաստանի ամուր հարաբերությանը:
- Ինչպե՞ս կարելի է բնութագրել արաբական աշխարհի դիրքորոշումը Հայաստանի եւ Հայոց ցեղասպանության ճանաչման հարցի նկատմամբ:
- Պատմության ընթացքում եւ ներկա ժամանակում հայ-արաբական հարաբերությունները, ընդհանուր առմամբ, լավ եւ անգամ գերազանց են համարվում: Արաբները կարեւոր դեր խաղացին Հայկական հարցի զարգացման ընթացքում` ընդունելով ջարդերից փրկված հայերին: Սիրիան, Լիբանանը, Հորդանանը, Պաղեստինը, Եգիպտոսն ու Իրաքը ողջունեցին փախստական հայերի ներկայությունը իրենց սեփական հողի վրա: Արաբներն այս կերպ ապահով ապաստան տվին Օսմանյան կայսրությունում տեղի ունեցած կոտորածներից փրկված, տեղահանված հայերին:
Հարկ է նշել, որ Եգիպտոսի կառավարության դիրքորոշումը հայերի հանդեպ հստակ է առաջնորդ Սաադ Զաղլուլի ժամանակից, երբ հրամայվեց Երուսաղեմից եւ Հունաստանից Եգիպտոս բերել հայ որբ մանուկներին` հնարավորություն ստեղծելով նրանց համար մեծանալու եւ ապրելու եգիպտահայ օջախներում: Եգիպտոսի` հայերի հանդեպ դիրքորոշման մասին է վկայում նաեւ Ժամանակին ձեւավորված հայ համայնքը, որը մեծ նշանակություն ունեցավ հայ-արաբական հարաբերությունների զարգացման գործում:
- Իսկ ինչպիսի՞ն է արաբական աշխարհի մոտեցումը հենց Հայոց ցեղասպանության ճանաչման առումով:
- Լիբանանը պաշտոնապես ճանաչել է Հայոց ցեղասպանությունը, սակայն արաբական մյուս երկրները` Սիրիան, Հորդանանը, Իրաքը, Եգիպտոսը, իրենց օրակարգում չունեն Հայոց ցեղասպանության ճանաչման հարցը, այն ուղղակի ներկա իրավիճակում չի էլ քննարկվում: Եվրոպական եւ ամերիկյան բոլոր այն երկրներում, որոնք ճանաչել են Հայոց ցեղասպանությունը, այդ երկրների կառավարությունների որոշման հետեւում կանգնած է եղել հայկական լոբբիինգը: Բացի Լիբանանից, մյուս արաբական պետություններում հայկական լոբբիինգը շատ թույլ է, ուստի Հայոց ցեղասպանության ճանաչման հարցը որեւէ կերպ չի մտնում օրակարգ: Ինչ վերաբերում է Եգիպտոսին, ապա հայերի եւ Հայաստանի հանդեպ վերաբերմունքը կարելի է գնահատել նաեւ նրանով, որ Կահիրեի համալսարանի բանասիրական ֆակուլտետում գործում է հայագիտության ամբիոն: Եգիպտոսում լույս է տեսնում նաեւ «Արեգ» պարբերականը արաբերենով, որն անդադառնում է հայկական հարցին եւ հայերի կյանքին առանց Եգիպտոսի կառավարության որեւէ միջամտության: 1998 թվականից արաբերենով հրատարակվող «Արեւ» ամսագիրը այս տարվանից լույս է տեսնում «Արեգ» անունով:
Բացի այս ամենը, Ալեքսանդրիայի համալսարանի պատմության ֆակուլտետը միակն է արաբական աշխարհում, որտեղ դասավանդում են «Հայկական հարց» առարկան: Այդ առարկան ներկայացվում է երկու լեզուներով` արաբերեն եւ անգլերեն, եւ դասավանդում եմ ես: Իմ դասախոսական փորձից ասեմ նաեւ, որ կան մագիստրոս եւ ասպիրանտ ուսանողներ, որոնք որպես թեմա ընտրում են Հայկական հարցը, որի առնչությամբ երբեւէ որեւէ առարկություն չի եղել համալսարանի ղեկավարության կողմից կամ Եգիպտոսի կառավարության:
- Գուցե ես սխալվում եմ, բայց քանի որ նշեցիք հայագիտության ամբիոնի մասին, կարո՞ղ եք հստակեցնել, թե ճի՞շտ են արդյոք տեղեկությունները, որ ամբիոնը ղեկավարում է ազգությամբ թուրք դասախոս:
- Զեյնաբ Աբու Սինան թուրք գրականության գծով գիտությունների թեկնածու է, որ աշխատում է Կահիրեի համալսարանի բանասիրական ֆակուլտետում, ինչպես նաեւ հայագիտության ամբիոնի տնօրենն է` վարչական հարցերով, եւ ոչ մի միջամտություն չունի ամբիոնի դասախոսությունների եւ գիտաժողովների կամ գրքերի հրապարակման հարցերում: Նա Եգիպտոսի քաղաքացի է` թուրքական ծագմամբ: Ի դեպ, տեղեկացնեմ, որ հայագիտության ամբիոնի խորհուրդը որոշում է կայացրել հայոց պատմությունը դասավանդել արաբերենով` 2011-ի մարտից:
- Պրն Ռեֆաաթ, ինչպիսի՞ դերակատարություն ունի ներկայումս արդեն տարիներ շարունակ տպագրվող «Արեգ» պարբերականը, ի՞նչ նպատակի է ծառայում: Ովքե՞ր եւ ի՞նչ նյութեր են հրապարակում պարբերականում:
- «Արեգ» ամսագիրը միակ հանդեսն է արաբական աշխարհում, որը խոսում է Հայկական հարցի մասին բոլոր ժամանակների կտրվածքով` անցյալի, ներկայի եւ ապագայի: «Արեգ»-ը ներկայացնում է Հայաստանի եւ հայերի տեսակետը Հայկական հարցի շուրջը: Հրատարակում է պատմական փաստաթղթեր, որոնք թարգմանվում են արաբերենից, պարսկերենից, անգլերենից, ֆրանսերենից, գերմաներենից: Ըստ էության, այս պարբերականն է, որ հիմնական տեղեկություններ է տարածում հայերի մասին արաբական աշխարհում, եւ որ հատկանշական է` արաբերենով: «Արեւ» եւ ապա «Արեգ» պարբերականների լույս տեսնելուց հետո եգիպտական լրատվամիջոցներում եւ արաբական աշխարհում պատկերը փոխվել ու փոխվում է հայերի ու Հայկական հարցի նկատմամբ` առավել տեղեկացված ու լավ տրամադրված մթնոլորտ ստեղծելով: «Արեգ» ամսագրի գլխավոր խմբագիրը ես եմ, հայերեն նյութերի հարցերով խորհրդական է Պերճ Թերզյանը: Ամսագրի յուրաքանչյուր համարում հրապարակվում է 5-7 հոդված: Հոդվածների համար դիմում ենք կամ պատվիրում լրագրողներին, որոնք աշխատում են այլ լրատվամիջոցներում:
- Դուք մասնակցեցիք «Ցեղասպանության հանցագործությունը. կանխարգելում, դատապարտում եւ հետեւանքների վերացում» միջազգային գիտաժողովին: Ինչպե՞ս կգնահատեք այդ հանդիպման արդյունքը:
- Կոնֆերանսը շատ կարեւոր էր` հյուրընկալելու համար ցեղասպանության հարցով մեծագույն գիտնականների ու մասնագետների: Միջազգային իրավունքի տեսանկյունից բոլոր այն գաղափարները, որոնք հնչեցին գիտաժողովի ժամանակ, լավ էին եւ դրական, բայց անհրաժեշտ է մեխանիզմներ կամ ինստիտուտներ ստեղծել` գործնական արդյունքի հասնելու համար: Դիվանագիտությունը պետք է առավել նախաձեռնող դառնա, առավել շարժուն լինի` աշխատելով միջազգային հանրության հետ: Այդ պարագայում կարելի է ասել, որ գիտաժողովը հասավ նպատակին:
Ինչ վերաբերում է իմ ներկայացրած զեկույցին, որ առնչվում էր 1909 թ. Ադանայի կոտորածներին, ապա այդ իրադարձություններին անդրադառնալը նախ կարեւոր է այն իմաստով, որ իսլամը զերծ է մնում Հայոց ցեղասպանության հարցում պատասխանատվությունից: Մյուս կողմից, Ադանան «Միություն եւ առաջադիմություն» կուսակցության ռասիզմի դրսեւորումների սկիզբն էր: Ադանան «փորձադաշտ» էր` միջազգային հանրության արձագանքը իմանալու համար, մանրանկար էր, թե այդ ամենը ինչպես կարող էր տեղի ունենալ 1915 թվականին: Ուզում եմ առանձնակի հիշատակել, որ Ադանայի կոտորածների ժամանակ Եգիպտոսում մահմեդակաների հոգեւոր կենտրոնը` «Ալ Ազհարը», հանդես էր եկել Ստամբուլում մահմեդակաների հոգեւոր կենտրոնի կոչի դեմ, որը հորդորում էր իսլամի հետեւորդներին` կոտորել Ադանայում ապրող հայերին:
- Առաջին անգա՞մ եք Հայաստանում: Ինչպիսի՞ տպավորություններ եք ստացել: Եվ քանի որ զբաղվում եք Հայկական հարցի դասախոսությամբ, պատրաստվո՞ւմ եք սովորել հայերեն:
- Սա առաջին այցս է Հայաստան: Ընդհանուր տպավորությունս լավ է, հանգիստ երկիր է, հարմարավետ է այստեղ, մարդկանց դեմքերը հանգիստ են, Երեւանում զբոսնելիս չէի զգում, թե օտար երկրում եմ: Թեեւ հայերը փորձում են մտնել եվրոպական ընտանիք, սակայն իրենց կառուցվածքը, արտաքինը Արեւելքին է պատկանում, ինչը հանգստացնում է ինձ որպես Արեւելքի մարդու:
Հայերեն սովորելու առնչությամբ էլ ասեմ, որ Կահիերի համալսարանի հայագիտության ամբիոնում ուսանողներին հայերեն են սովորեցնում: Ես էլ նրանց հետ արդեն յուրացրել եմ ամենատարրական գիտելիքները:
ԱՂԱՎՆԻ ՀԱՐՈՒԹՅՈՒՆՅԱՆ
«ԱԶԳ», 21-12-2010 .
- Պրն Ռեֆաաթ, որպես Հայկական հարցի եւ հայության խնդիրների նկատմամբ հետաքրքրություն ունեցող պատմաբան, ինչպիսի՞ն է Ձեր դիրքորոշումը հայության եւ հայկական հարցի առնչությամբ:
- Հայկական հարցը ամենադժվարին հարցերից մեկն է Արեւելքում առկա խնդիրներից, հատկապես որ հայկական հարցը միջազգայնացվել է դեռեւս 1878 թ Բեռլինի վեհաժողովի ժամանակ: Հայկական հարցի միջազգայնացման պատճառ դարձավ հենց Օսմանյան կայսրությունում իրականացվող հալածանքը հայերի նկատմամբ: Տարածաշրջանային եւ ընդհանրապես աշխարհի բոլոր երկրներն օգտվեցին Հայկական հարցից` իրենց շահերի իրագործման համար: Առաջատար պետությունները եւս այս հարցին նայեցին Օսմանյան կայսրության հետ իրենց սեփական շահերի տեսանկյունից: Ուզում եմ ընդգծել, որ Հայկական հարցը կրոնական հիմք չուներ, այլ մշտապես եղել եւ մնում է շահերի խնդիր:
- Ի՞նչ բնութագրական կարելի է տալ հայ-եգիպտական հարաբերություններին:
- Եգիպտոսը ամուր հարաբերություններ ունի Հայաստանի հետ: Խորհրդային Միության փլուզումից հետո Եգիպտոսը երկրորդ արաբական երկիրն էր, Լիբանանից հետո, որ դիվանագիտական հարաբերություններ հաստատեց Հայաստանի Հանրապետության հետ: Հայաստանը արաբական աշխարհում իր առաջին դեսպանատունը Եգիպտոսում ունեցավ, եւ առաջին դեսպանը պարոն Էդվարդ Նալբանդյանն էր, որը կարեւոր դերակատարություն ունեցավ հայ-եգիպտական հարաբերությունների զարգացման գործում` հիմք դնելով Եգիպտոսի եւ Հայաստանի ամուր հարաբերությանը:
- Ինչպե՞ս կարելի է բնութագրել արաբական աշխարհի դիրքորոշումը Հայաստանի եւ Հայոց ցեղասպանության ճանաչման հարցի նկատմամբ:
- Պատմության ընթացքում եւ ներկա ժամանակում հայ-արաբական հարաբերությունները, ընդհանուր առմամբ, լավ եւ անգամ գերազանց են համարվում: Արաբները կարեւոր դեր խաղացին Հայկական հարցի զարգացման ընթացքում` ընդունելով ջարդերից փրկված հայերին: Սիրիան, Լիբանանը, Հորդանանը, Պաղեստինը, Եգիպտոսն ու Իրաքը ողջունեցին փախստական հայերի ներկայությունը իրենց սեփական հողի վրա: Արաբներն այս կերպ ապահով ապաստան տվին Օսմանյան կայսրությունում տեղի ունեցած կոտորածներից փրկված, տեղահանված հայերին:
Հարկ է նշել, որ Եգիպտոսի կառավարության դիրքորոշումը հայերի հանդեպ հստակ է առաջնորդ Սաադ Զաղլուլի ժամանակից, երբ հրամայվեց Երուսաղեմից եւ Հունաստանից Եգիպտոս բերել հայ որբ մանուկներին` հնարավորություն ստեղծելով նրանց համար մեծանալու եւ ապրելու եգիպտահայ օջախներում: Եգիպտոսի` հայերի հանդեպ դիրքորոշման մասին է վկայում նաեւ Ժամանակին ձեւավորված հայ համայնքը, որը մեծ նշանակություն ունեցավ հայ-արաբական հարաբերությունների զարգացման գործում:
- Իսկ ինչպիսի՞ն է արաբական աշխարհի մոտեցումը հենց Հայոց ցեղասպանության ճանաչման առումով:
- Լիբանանը պաշտոնապես ճանաչել է Հայոց ցեղասպանությունը, սակայն արաբական մյուս երկրները` Սիրիան, Հորդանանը, Իրաքը, Եգիպտոսը, իրենց օրակարգում չունեն Հայոց ցեղասպանության ճանաչման հարցը, այն ուղղակի ներկա իրավիճակում չի էլ քննարկվում: Եվրոպական եւ ամերիկյան բոլոր այն երկրներում, որոնք ճանաչել են Հայոց ցեղասպանությունը, այդ երկրների կառավարությունների որոշման հետեւում կանգնած է եղել հայկական լոբբիինգը: Բացի Լիբանանից, մյուս արաբական պետություններում հայկական լոբբիինգը շատ թույլ է, ուստի Հայոց ցեղասպանության ճանաչման հարցը որեւէ կերպ չի մտնում օրակարգ: Ինչ վերաբերում է Եգիպտոսին, ապա հայերի եւ Հայաստանի հանդեպ վերաբերմունքը կարելի է գնահատել նաեւ նրանով, որ Կահիրեի համալսարանի բանասիրական ֆակուլտետում գործում է հայագիտության ամբիոն: Եգիպտոսում լույս է տեսնում նաեւ «Արեգ» պարբերականը արաբերենով, որն անդադառնում է հայկական հարցին եւ հայերի կյանքին առանց Եգիպտոսի կառավարության որեւէ միջամտության: 1998 թվականից արաբերենով հրատարակվող «Արեւ» ամսագիրը այս տարվանից լույս է տեսնում «Արեգ» անունով:
Բացի այս ամենը, Ալեքսանդրիայի համալսարանի պատմության ֆակուլտետը միակն է արաբական աշխարհում, որտեղ դասավանդում են «Հայկական հարց» առարկան: Այդ առարկան ներկայացվում է երկու լեզուներով` արաբերեն եւ անգլերեն, եւ դասավանդում եմ ես: Իմ դասախոսական փորձից ասեմ նաեւ, որ կան մագիստրոս եւ ասպիրանտ ուսանողներ, որոնք որպես թեմա ընտրում են Հայկական հարցը, որի առնչությամբ երբեւէ որեւէ առարկություն չի եղել համալսարանի ղեկավարության կողմից կամ Եգիպտոսի կառավարության:
- Գուցե ես սխալվում եմ, բայց քանի որ նշեցիք հայագիտության ամբիոնի մասին, կարո՞ղ եք հստակեցնել, թե ճի՞շտ են արդյոք տեղեկությունները, որ ամբիոնը ղեկավարում է ազգությամբ թուրք դասախոս:
- Զեյնաբ Աբու Սինան թուրք գրականության գծով գիտությունների թեկնածու է, որ աշխատում է Կահիրեի համալսարանի բանասիրական ֆակուլտետում, ինչպես նաեւ հայագիտության ամբիոնի տնօրենն է` վարչական հարցերով, եւ ոչ մի միջամտություն չունի ամբիոնի դասախոսությունների եւ գիտաժողովների կամ գրքերի հրապարակման հարցերում: Նա Եգիպտոսի քաղաքացի է` թուրքական ծագմամբ: Ի դեպ, տեղեկացնեմ, որ հայագիտության ամբիոնի խորհուրդը որոշում է կայացրել հայոց պատմությունը դասավանդել արաբերենով` 2011-ի մարտից:
- Պրն Ռեֆաաթ, ինչպիսի՞ դերակատարություն ունի ներկայումս արդեն տարիներ շարունակ տպագրվող «Արեգ» պարբերականը, ի՞նչ նպատակի է ծառայում: Ովքե՞ր եւ ի՞նչ նյութեր են հրապարակում պարբերականում:
- «Արեգ» ամսագիրը միակ հանդեսն է արաբական աշխարհում, որը խոսում է Հայկական հարցի մասին բոլոր ժամանակների կտրվածքով` անցյալի, ներկայի եւ ապագայի: «Արեգ»-ը ներկայացնում է Հայաստանի եւ հայերի տեսակետը Հայկական հարցի շուրջը: Հրատարակում է պատմական փաստաթղթեր, որոնք թարգմանվում են արաբերենից, պարսկերենից, անգլերենից, ֆրանսերենից, գերմաներենից: Ըստ էության, այս պարբերականն է, որ հիմնական տեղեկություններ է տարածում հայերի մասին արաբական աշխարհում, եւ որ հատկանշական է` արաբերենով: «Արեւ» եւ ապա «Արեգ» պարբերականների լույս տեսնելուց հետո եգիպտական լրատվամիջոցներում եւ արաբական աշխարհում պատկերը փոխվել ու փոխվում է հայերի ու Հայկական հարցի նկատմամբ` առավել տեղեկացված ու լավ տրամադրված մթնոլորտ ստեղծելով: «Արեգ» ամսագրի գլխավոր խմբագիրը ես եմ, հայերեն նյութերի հարցերով խորհրդական է Պերճ Թերզյանը: Ամսագրի յուրաքանչյուր համարում հրապարակվում է 5-7 հոդված: Հոդվածների համար դիմում ենք կամ պատվիրում լրագրողներին, որոնք աշխատում են այլ լրատվամիջոցներում:
- Դուք մասնակցեցիք «Ցեղասպանության հանցագործությունը. կանխարգելում, դատապարտում եւ հետեւանքների վերացում» միջազգային գիտաժողովին: Ինչպե՞ս կգնահատեք այդ հանդիպման արդյունքը:
- Կոնֆերանսը շատ կարեւոր էր` հյուրընկալելու համար ցեղասպանության հարցով մեծագույն գիտնականների ու մասնագետների: Միջազգային իրավունքի տեսանկյունից բոլոր այն գաղափարները, որոնք հնչեցին գիտաժողովի ժամանակ, լավ էին եւ դրական, բայց անհրաժեշտ է մեխանիզմներ կամ ինստիտուտներ ստեղծել` գործնական արդյունքի հասնելու համար: Դիվանագիտությունը պետք է առավել նախաձեռնող դառնա, առավել շարժուն լինի` աշխատելով միջազգային հանրության հետ: Այդ պարագայում կարելի է ասել, որ գիտաժողովը հասավ նպատակին:
Ինչ վերաբերում է իմ ներկայացրած զեկույցին, որ առնչվում էր 1909 թ. Ադանայի կոտորածներին, ապա այդ իրադարձություններին անդրադառնալը նախ կարեւոր է այն իմաստով, որ իսլամը զերծ է մնում Հայոց ցեղասպանության հարցում պատասխանատվությունից: Մյուս կողմից, Ադանան «Միություն եւ առաջադիմություն» կուսակցության ռասիզմի դրսեւորումների սկիզբն էր: Ադանան «փորձադաշտ» էր` միջազգային հանրության արձագանքը իմանալու համար, մանրանկար էր, թե այդ ամենը ինչպես կարող էր տեղի ունենալ 1915 թվականին: Ուզում եմ առանձնակի հիշատակել, որ Ադանայի կոտորածների ժամանակ Եգիպտոսում մահմեդակաների հոգեւոր կենտրոնը` «Ալ Ազհարը», հանդես էր եկել Ստամբուլում մահմեդակաների հոգեւոր կենտրոնի կոչի դեմ, որը հորդորում էր իսլամի հետեւորդներին` կոտորել Ադանայում ապրող հայերին:
- Առաջին անգա՞մ եք Հայաստանում: Ինչպիսի՞ տպավորություններ եք ստացել: Եվ քանի որ զբաղվում եք Հայկական հարցի դասախոսությամբ, պատրաստվո՞ւմ եք սովորել հայերեն:
- Սա առաջին այցս է Հայաստան: Ընդհանուր տպավորությունս լավ է, հանգիստ երկիր է, հարմարավետ է այստեղ, մարդկանց դեմքերը հանգիստ են, Երեւանում զբոսնելիս չէի զգում, թե օտար երկրում եմ: Թեեւ հայերը փորձում են մտնել եվրոպական ընտանիք, սակայն իրենց կառուցվածքը, արտաքինը Արեւելքին է պատկանում, ինչը հանգստացնում է ինձ որպես Արեւելքի մարդու:
Հայերեն սովորելու առնչությամբ էլ ասեմ, որ Կահիերի համալսարանի հայագիտության ամբիոնում ուսանողներին հայերեն են սովորեցնում: Ես էլ նրանց հետ արդեն յուրացրել եմ ամենատարրական գիտելիքները:
ԱՂԱՎՆԻ ՀԱՐՈՒԹՅՈՒՆՅԱՆ
«ԱԶԳ», 21-12-2010 .
No comments:
Post a Comment