Իսլամիստներին կարեկցելու համար «CNN»–ի խմբագիրը հեռացվել է աշխատանքից

Ամերիկյան «CNN» հեռուստաալիքը մերձավորարևելյան իրադարձությունների լուսաբանման պատասխանատու խմբագրին՝ Օքթավիա Նասրին, աշխատանքից հեռացրել է «Հզբոլլահ» շարժման առաջնորդի մահվան կապակցությամբ արտահայտած ափսոսանքի համար։ Նասրը սոցիալական «Twitter» կայքում հաղորդագրություն է տեղադրել, որ ափսոսում է շիաների շարժման հոգևոր առաջնորդ Մուհամեդ Հուսեյն Ֆադլալի մահվան կապակցությամբ։ Հեռուստաընկերության աշխատակիցը գրել է, որ հարգում է այաթոլային՝ որպես «Հզբոլլահի» հսկաներից մեկի։ Լիբանանում տեղակայված այս շարժումն ԱՄՆ-ում դիտարկվում է որպես ահաբեկչական։ Օ. Նասրն ավելի վաղ ներողություն է խնդրել այդ հրապարակման համար, սակայն հեռուստաընկերության ղեկավարությունը գտել է, որ նա վարկաբեկել է իրեն և այլևս չի կարող աշխատել իրենց ընկերությունում։