Իրանը պատրաստում է դադարեցնել դոլարով եւ եվրոյով առեւտուրը

Diplomat.am - 11.08.2010- Պաշտոնական Թեհրանը հայտարարում է, որ ի պատասխան ՄԱԿ-ի կողմից իր նկատմամբ կիրառված տնտեսական պատժամիջոցների` դադարեցնելու է միջազգային շուկայում իրանական ապրանքների վաճառքը դոլարով կամ եվրոյով: Doniye e-Ektesad տնտեսական պարբերականին տված հարցազրույցում Իսլամական հանրապետության առաջին փոխնախագահ Մոհամադ Ռեզա Ռահիմին, մասնավորապես, ասել է, թե դոլարն ու եվրոն «կեղտոտ» արժույթներ են եւ իր երկրի արտաքին առեւտրում կփոխարինվեն իրանական ռիալով կամ այն երկրների արժույթներով, որոնք կցանկանան համագործակցել Իրանի հետ: