Ադրբեջանցիները պահանջում են փակել ռուսական դեսպանատունը Բաքվում

«Tert.am», 23.08.10թ.: Ադրբեջանում այսպես կոչված «Ղարաբաղի ազատագրման կազմակերպության» և Մարդու ազատության և իրավունքների պաշտպանության կոմիտեի ներկայացուցիչները փորձել են բողոքի ակցիա անցկացնել Ռուսաստանի դեսպանատան առջև։ Ակցիան կազմակերպված է եղել՝ ի նշան Ռուսաստանի և Հայաստանի ռազմական համագործակցության դեմ բողոքի։ Ինչպես փոխանցում է APA գործակալությունը, ակցիան համաձայնեցված չի եղել Բաքվի իշխանությունների հետ, այդ պատճառով կանխվել է ոստիկանության աշխատակիցների կողմից։ Այդուհադերձ, չարտոնված միջոցառման մասնակիցները բանաձև են կարդացել, որով իրենց երկրի իշխանություններին կոչ են անում Ռուսաստանը ճանաչել «Ադրբեջանի համար անցանկալի պետություն» և դադարեցնել Ադրբեջանում ռուսական դեսպանատան գործունեությունը։ Հիշեցնենք, որ օգոստոսի 20–ին ՌԴ նախագահ Դմիտրի Մեդվեդևի պետական այցի շրջանակում Երևանում ստորագրվեց համաձայնագիր՝ Գյումրիում տեղակայված ռուսական ռազմաբազայի գոործունեության ժամկետը 49 տարով երկարացնելու վերաբերյալ։