Թուրքիան չեղյալ է հայտարարել Ջիվան Գասպարյանի համերգը

«7or.am», 25.08.2010: Հանրահայտ դուդուկահար Ջիվան Գասպարյանը սեպտեմբերի 1-ին՝ խաղաղության միջազգային օրը, Ստամբուլում ելույթ ունենալու հրավեր էր ստացել։ Ստամբուլի իշխանությունները, սակայն, չեղյալ են հայտարարել թուրք երգիչ Յավուզ Բինգյոլի և լեգենդար դուդուկահար Ջիվան Գասպարյանի համատեղ համերգը։ Այս կապակցությամբ Ջիվան Գասպարյանը նշել է, որ համերգը չեղյալ հայտարարելու վերաբերյալ որևէ բացատրություն չի ստացել, և թուրք երգիչ Յավուզ Բինգյոլն ինքն էլ զարմացած էր, որ համերգը չի կայանալու։ Նա նաև նշել է, թե չի ցանկանում, որ երկու երկրների միջև հարաբերությունները սրվեն։