Ադրբեջանում թուրքական ռազմաբազա՞ կհայտնվի

«NEWS.am», 21 Օգոստոսի 2010 - Ռուսաստանի նախագահ Դմիտրի Մեդվեդեւի մասնակցությամբ Երեւանում անցկացվող ՀԱՊԿ գագաթաժողովի ֆոնին Բաքուն եւ նրա «ավագ եղբայր» Անկարան որոշել են Նախիջեւանում թուրքական ռազմաբազայի հնարավոր տեղակայման մասին լուրեր տածել։ Երեւանում օգոստոսի 20-ին Հայաստանի եւ Ռուսաստանի պաշտպանության նախարարների կողմից ստորագրվել է Հայաստանում ռուսական ռազմաբազայի ներկայությունը մինչեւ 2044 թվականը երկարաձգելու մասին Արձանագրությունը։ Արձանագրությունով նախատեսվում է նաեւ, որ ռուս զինվորականները հայկական բանակի հետ միասին պարտավորվում են ապահովել Հայաստանի անվտանգությունը։ Վերլուծաբանների կարծիքով նոր պայմանագրով Մոսկվան Հարավային Կովկասում ամրացնում է իր աշխարհաքաղաքական ներկայությունը եւ միաժամանակ նախազուշացնում Բաքվին ղարաբաղյան հարցում ուժի չկիրառման մասին։ Դմիտրի Մեդվեդեւի՝ Երեւան ժամանելուց մի անի օր առաջ Բաքու էր այցելել Թուրքիայի նախագահ Աբդուլահ Գյուլը։ Հանդիպման հիմանական նպատակը ռազմավարական համագործակցության մասին պայմանագրի կնքումն էր, ինչն, ըստ էության, նոր ռազմաքաղաքական բլոկի ստեղծում է նշանակում, որի շրջանակներում Ադրբեջանը կարող է «մեծ եղբայր» Թուրքիայի ռազմաբազան ունենալ։ Հայտնի է անգամ դրա տեղակայման ենթադրվելիք վայրը՝ Հայաստանի եւ Թուրքիայի միջեւ գտնվող Նախիջանը։