Իրանը եւ Թուրքիան համատեղ ավտոմեքենա կստեղծեն

News.am. 18-9-2010- «Իրան Հոդրոու» ընկերությունը բանակցություններ է վարում թուրքական մի ընկերության հետ 2 մլրդ դոլար ներդրումներ կատարելու շուրջ` նոր ավտոգործարան կառուցելու համար, հաղորդում է Mehr-ը:
Նշված գումարն անհրաժեշտ է «Իրան Հոդրոու»-ին իրանա-թուրքական սահմանին նոր ավտոգործարան կառուցելու համար:
Թուրքական Hurriyet-ի հաղորդմամբ` Իրանի ու Թուրքիայի կողմից համատեղ ավտոմեքենայի արտադրությունը շատ կարեւոր է այն պայմաններում, երբ ավտոմեքենաշինության համաշխարհային շուկայում գերիշում են եվրոպական ու ամերիկյան ընկերությունները:
Ենթադրվում է, որ համատեղ մեքենան կփորձի շուկա գտնել մահմեդական երկրներում: Ամենայն հավանականությամբ, համապատասխան համաձայնագիրը կկնքվի երկու շաբաթ անց` Թեհրանում: