Թուրքիան հսկայական նշանակություն է տալիս ղարաբաղյան հակամարտության խաղաղ կարգավորմանը. Աբդուլլահ Գյուլ

Tert.am. 23-9-2010- Թուրքիայի նախագահը հայտարարել է, որ իր երկիրը մեծ նշանակություն է տալիս ղարաբաղյան հակամարտության խաղաղ կարգավորմանը։ Այս մասին հայտնում է Trend-ը։

«Բոլորիդ հայտնի են վերջին ժամանակների փաստերը, երբ ձգձվող հակամարտությունները դարձել են նոր բախումների աղբյուր։ Այդ պատճառով Թուրքիան հսկայական նշանակությում է տալիս ղարաբաղյան հակամարտության խաղաղ կարգավորմանը»,- ելույթ ունենալով ՄԱԿ-ի Գլխավոր ասամբլեայում ՝ հայտարարել է Աբդուլլահ Գյուլը։
Անդրադառնալով անվտանգության ապահովման թեմային՝ Թուրքիայի նախագահը միջազգային հանրությանն առաջարկել է Մերձավոր Արևելքը հռչակել միջուկային զենքից զերծ գոտի։