Հայկական պատվիրակությունը մեկնեց Աստրախան. այցի ծրագիրը

Սերժ Սարգսյանի գլխավորած պատվիրակությունը մեկնեց Աստրախան, որտեղ ԼՂՀ հիմնախնդրի կարգավորման շուրջ այսօր կկայանա Սարգսյան-Ալիև-Մեդվեդև եռակողմ հանդիպումը։

Պատվիրակության կազմում են արտգործնախարար Էդվարդ Նալբանդյանը, նախագահի աշխատակազմի ղեկավար Վիգեն Սարգսյանը, ՌԴ-ում ՀՀ դեսպան Օլեգ Եսայանը, պաշտոնատար այլ անձինք։
Երևանի ժամանակով ժամը 14։00-ին Սերժ Սարգսյանի գլխավորած պատվիրակությունը կժամանի Աստրախանի օդանավակայան։ Այստեղ ՀՀ նախագահի պատվիրակությանը կդիմավորեն Աստրախանի մարզի նահանգապետ Ալեքսանդր Ժիլկինը, Աստրախանի քաղաքապետ Սերգեյ Բոժենովը, ԱԳՆ և այլ պաշտոնյաներ։
Ժամը 14։10-ին հայկական պատվիրակությունը կայցելի հայկական հուշարձան-խաչքարի տարածք, որտեղ ծաղկեզամբյուղ կզետեղի։
Նախագահների եռակողմ հանդիպումը նախատեսված է ժամը 16։00-ին և կտևի մեկ ժամ։ Դրանից հետո՝ ժամը 17։05-ին, նախատեսված է հանդիպում ԵԱՀԿ Մինսկի խմբի համանախագահների հետ, որը կտևի 15 րոպե։ ժամը 17։20-ին հայկական պատվիրակության անդամները կմեկնեն Պետրոս Առաջինի անվան հրապարակ։
Ժամը 17։30-ին նախագահները կմեկնեն նավահանգիստ, կբարձրացրանան «Էսպերանսա» նավ։ Այստեղ ժամը 17։35-19։00-ն ՌԴ նախագահի անունից կտրվի աշխատանքային ճաշ և կկազմակերպվի շրջայց Վոլգա գետով՝ 1+2 ձևաչափով, որին կմասնակցեն նաև Էդվարդ Նալբանդյանն ու Վիգեն Սարգսյանը։ Ժամը 19։25-20։55-ին նախատեսված է հանդիպում ՌԴ նախագահի հետ՝ 1+3 ձևաչափով, սակայն հանդիպման մանրամասները դեռ ճշտվում են։
Այդ հանդիպմանը հայկական կողմից կմասնակցեն Էդվարդ Նալբանդյանը, Վիգեն Սարգսյանը, Օլեգ Եսայանը, իսկ ռուսական կողմից՝ ՌԴ արտգործնախարար Սերգեյ Լավրովը, Ռուսաստանի նախագահի օգնական Սերգեյ Պրիխոդկոն։