Յուրաքանչյուր ամերիկացի պարտք է 45 հզ դոլար

Report.am. 16-1-2011- ԱՄՆ-ի պետական պարտքը հասել է 14 տրիլիոն դոլարի։ Այդ մասին հաղորդվում է ԱՄՆ-ի ֆինանսների նախարարության կայքէջում։

Այժմ յուրաքանչյուր ամերիկացի պայմանականորեն պարտք է ավելի քան 45 հազար դոլար։

2010-ի փետրվարին ԱՄՆ-ի պետական պարտքի թույլատրելի առավելագույն չափ է սահմանվել 14.3 տրիլիոն դոլարը։ Դա նշանակում է, որ Կոնգրեսը կա՛մ պետք է բարձրացնի թույլատրելի շեմը` այդ մասին հատուկ օրենք ընդունելով, կա՛մ պետք է կտրուկ կրճատի ծախսերը։
Ավելի վաղ ֆինանսների նախարար Թիմոթի Գեյթները հայտարարել էր, որ պարտքի սահմանված չափը ԱՄՆ-ը կանցնի արդեն 2011 թվականի մարտի 31-ին։ Նա պնդում է, որ պետք է Կոնգրեսը համապատասխան օրենք ընդունի, հակառակ դեպքում երկրի տնտեսությունը կհայտնվի աղետալի վիճակում։