ՌԴ արտգործնախարար Սերգեյ Լավրովը Վեստի 24 հեռուստաալիքով իր տված մամուլի ասուլիսի ընթացքում անդրադառնալով Լեռնային Ղարաբաղի խնդրին, ասել է. «Մենք ջանում ենք հանգուցալուծում շոշափել երկու-երեք խնդիրների հետ կապված, որոնք թեեւ շատ ավելի քիչ են արդեն իսկ համաձայնեցվածների համեմատ, այդուհանդերձ ավելի բարդ են: Գլխավորը, այս փուլում, չխանգարել այդ գործընթացին: Երբ սկսում են ներգրավել այնպիսի կազմակերպությունների ամբիոններ, ինչպիսին ՄԱԿ-ը կամ ԵԱՀԿ-ն, հարցը միանգամից գործնական քննարկումից անցնում է հանրային բանավեճի ոլորտ: Դա, ցանկացած թեմայի քննարկման ժամանակ, չի նպաստում մոտեցումների մերձեցմանը, այլ սադրում է մոտեցումների սրացում եւ կողմերի անտագոնիզացիա», հայտարարել է Լավրովը: Նա հայտարարել է, թե մինչ այժմ այդպիսի սինդրոմները հաջողվել է հաղթահարել նախագահ Մեդվեդեւի ջանքերով, որը օգնել է Հայաստանի ու Ադրբեջանի նախագահներին ձեւավորել հանգուցալուծում գտնելու մթնոլորտ: «Մենք մտադիր ենք շարունակել մեր ջանքերը: Այդ ջանքերի մասին մենք տեղեկացնում ենք Վաշինգտոնի եւ Փարիզի մեր գործընկերներին, Ռուսաստանի, Հայաստանի եւ Ադրբեջանի նախագահների ամեն հանդիպումից հետո մենք մանրամասն բրիֆինգ ենք անցկացնում համանախագահների համար: Նրանք աջակցում են մեր ջանքերը, եւ, հենվելով այդ աջակցության վրա, մենք կփորձենք այս տարի փոքր ինչ ավելի առաջ գնալ, քան անցյալ տարի», հայտարարել է Լավրովը:
Tehran Time
Yerevan Time
No comments:
Post a Comment