Panorama.am. 13-1-2011- «Новое время»-ն, անդրադառնալով Սուդանի հարավում անցկացվող անկախության հանրաքվեին, որը կարող է աֆրիկյան այս խոշոր երկիրը բաժանել երկու մասի, թերթը նշում է, որ Սուդանի հարավում անկախ պետության ստեղծումը կարող է նախադեպ դառնալ նաև Լեռնային Ղարաբաղի Հանրապետության համար: Միակ տարբերությունն այն է, որ Սուդանում հակամարտությունը ծագել է կրոնական հողի վրա: Հոդվածագիրը նշում է, որ Սուդանի մուսուլմանական հատվածը, ինչպես և Արցախի դեպքում, էթնիկ զտումների և ջարդերի միջոցով փորձ է արել իրեն միացնել քրիստոնյա հարավը:
Հոդվածագիրը նշում է, որ ի տարբերություն ադրբեջանցի բռնապետ Իլհամ Ալիևի` Սուդանի դիկտատոր Օմար ալ Բաշիրը աբսուրդի չհասավ և չպահանջեց, որ Սուդանի հանրաքվեն անցկացվի ոչ թե առնձնանալու ցանկություն հայտնած տարածաշրջանում, այլ ամբողջ Սուդանում, այնինչ` Իլհամ Ալիևը պահանջում է, որ Արցախի անկախացման վերաբերյալ հանրաքվե անցկացվի ողջ Ադրբեջանի տարածքում:
Tehran Time
Yerevan Time
No comments:
Post a Comment