Եվրամիությունը «երես է թեքել» Թուրքիայից

Panorama.am. 8-1-2011- Թուրքիայի վարչապետ Ռեջեփ Թայիփ Էրդողանը քննադատել է ԵՄ-ի՝ Թուրքիայի նկատմամբ դրսևորած քաղաքականությունը: Այս մասին տեղեկացնում է «1նյուզ.ազ» լրատվական կայքը:

Նա նշել է, թե իրենք արդեն 50 տարի է, ինչ սպասում են թե երբ են «եվրոպացի պարոնները բարեհաճելու Թուրքիային ընդգրկել իրենց շարքերում: «Եթե դուք մեզ չեք ցանկանում, ուրեմն ուղիղ ասեք, որ մենք չենք ցանկանում տեսնել ձեզ մեր տանը: Մենք ևս հասկացող մարդիկ ենք, մեզ «չենք գցի» մի տուն, որտեղ մեզ չեն սպասում»,- ասել է Էրդողանը:
«Ցույց տվեք ինձ որևէ այլ երկիր, որն արդեն 50 տարի է սպասում է ԵՄ-ին անդամագրվելուն: Մեր համբերությունը սպառման եզրին է»,- նշել է թուրք պաշտոնյան»: