Թուրքիայում պղծել են Աթաթուրքի արձանը

Tert.am. 9-1-2011- Թուրքիայի Դիարբեքիր քաղաքում Քրդստանի բնավորական կուսակցության (PKK) կողմնակիցներն այրել են Թուրքիայի Հանրապետության հիմնադիր Մուստաֆա Քեմալ Աթաթուրքի արձանը:

Թուրքական լրատվամիջոցների փոխանցմամբ` դեպքը տեղի է ունեցել երեկ երեկոյան Դիարբեքիրի Դաղքափըի հրապարակում: PKK-ի մի խումբ կողմնակիցներ, հավաքվելով Աթաթուրքի արձանի շուրջ, հրկիզել են այն, որից հետո հեռացել են:
Քաղաքացիների ահազանգով դեպքի վայր են ժամանել հրշեջները և մարել կրակը: Դեպքի առնչությամբ իրականացվում է հետաքննություն: Թուրք իրավապահներն օպերատիվ միջոցառումներ են իրականացնում Աթաթուրքի արձանը հրկիզողներին հայտնաբերելու ուղղությամբ: