Թուրքիայում դարձյալ տարածվում է բազմակնությունը

News.am. 13-1-2011- «Tageszeitung» պարբերականն անդրադարձել է 1924-ից Թուրքիայում արգելված բազմակնությանը: Թուրքիայում մոտ 200 հազար տղամարդ կարծում է, որ մի կինը շատ քիչ է:

Թուրքական ԶԼՄ-ները հայտնում են, որ Թուրքիայի հարավ-արեւելքում գտնվող փոքրիկ Գյոկչե քաղաքում ինտերների տարածումից հետո մոտ 40 տղամարդ երկրորդ կին են բերել Մարոկկոյից: Թուրքական իրավունքով այդ ամուսնություններն անօրինական են, սակայն իմամի կողմից թույլատրված:
Երկրորդ կանանց թիվն արդեն մոտենում է 200 հազարի: Իշխող «Արդարություն եւ զարգացում» իսլամիստական կուսակցության գլխավոր գաղափարախոս Ալի Բուլաչը հրապարակայնորեն պարծենում է, որ ունի իսլամով թույլատրվող չորս կին: Պարբերականը հիշեցնում է նաեւ, որ Սեւ ծովի ափին գտնվող Ռիզեի քաղաքապետը կոչ է արել երկրորդ կին վերցնել քուրդ կանանց` այդպես լուծելով քրդական հարցը: