Խուճապ կառավարությունում` «Լինսիի» ինքնալուծարումից հետո

Այն փաստը, որ «Հազարամյակի մարտահրավերներ-Հայաստան» հիմնադրամի կառավարման խորհրդի վերջին նիստում ներկայացվել է ՀՄՀ-Հայաստան ծրագրի փակման նախագծի հնարավորությունը, և այն հանգամանքը, որ գործարար Քըրք Քըրքորյանի «Լինսի» հիմնադրամն ինքնալուծարվեց, «Ժամանակի» տեղեկություններով, գրեթե խուճապ են առաջացրել կառավարությունում։
Ամերիկյան միջոցները կառավարության համար ինչ-որ չափով վերքին «դարման» էին, ուստի սրանց բացակայությունը, այն դեպքում, երբ վարչապետ Տիգրան Սարգսյանի դեկտեմբերի վերջին ՌԴ ուղևորությունը և ֆինանսական ակնկալիքները հօդս ցնդեցին՝ փաստացի լրացուցիչ բարդություններ են առաջացնում։