HayNews.am. 23-2-2011- ԱՄՆ Ֆրեզնո քաղաքի հայկական դպրոցներից մեկում դասախոսություն են կարդացել հայտնի իրավաբաններ Մարկ Կիրակոսն ու Բրայան Կաբատեկը: Իրենց խոսքում իրավաբանները կենտրոնացել են ապահովագրական ընկերությունների հետ դավատարությունների վրա` նշելով, որ առաջիկայում շարունակվելու են դատերն այն ընկերությունների հետ, որոնք հրաժարվում են վճարել Ցեղասպանության զոհերի ժառանգներին, հայտնում է ՍԴՀԿ Massispost կայքէջը:«Սկսած 1890-ականներից` բազմաթիվ միջազգային ապահովագրական ընկերություններ իրենց աշխատանքներն էին տանում Օսմանյան կայսրությունում: Նրանք վարձում էին հայերին` իբրև ապահովագրական գործակալներ: Այդ տարիներին կատարվեց ավելի քան 4000 գործարք»,-ասել է Կիրակոսն ու մանրամասնել, թե հատկապես որ դատավարական գործերն էին առավել աղմկոտ:
«Գերմանական SB ապահովագրական ընկերությունը, փորձելով վճարելուց խուսափել, քաղաքականացրեց դատավարությունը` ասելով, թե երկրի ֆեդերալ օրենքները հակասության մեջ են մտել նահանգայինի հետ, քանի որ ԱՄՆ պետությունը չի ճանաչել Հայոց ցեղասպանությունը: Մենք էլ պատասխանեցինք, որ այդտեղ հակասություն չկա, իսկ պետությունն էլ երբեք դեմ չի խոսել Ցեղասպանության ճանաչմանը: 1981-ին էլ նախագահ Ռեյգանն իր խոսքում արտասանեց «Ցեղասպանություն» բառը»,-պատմել է Կիրակոսն ու հավելել, որ առաջիկայում նոր գործեր են սպասվում, որտեղ անպայման հայկական համայնքը շահելու է:
Tehran Time
Yerevan Time
No comments:
Post a Comment