Թուրք հայտնի գրողն իր նոր գրքում անդրադարձել է Հայոց ցեղասպանությանը

HayNews.am. 7-3-2011- Հայտնի թուրք երաժիշտ և գրող, Թուրքիայի խորհրդարանի նախկին պատգամավոր Զյուլֆու Լիվանելիի նոր վեպը` «Սերենադը», մարտի 9-ին կհայտնվի գրախանութներում:

Ինչպես փոխանցում է Radikal-ը, գիրքը պատմում է տարիներ անց Թուրքիա վերադարձած գերմանացի 87-ամյա մի պրոֆեսորի և երիտասարդ գիտնական Մայայի ծանոթության մասին:
Վեպում անդրադարձ կա նաև Հայոց ցեղասպանությանը, 30-ականների և 40-ականների Թուրքիայի ներքին կյանքին, Հոլոքոստին:
Նշենք, որ Լիվանելին Թուրքիայում հայտնի ժողովրդական երգեր կատարող է, ինչպես նաև վիպագիր, կինոռեժիսոր և երգահան: Վերջինս հայտնի է իր ձախակողմյան հայացքներով: 2002-2007 թվականներին Թուրքիայի Ազգային մեծ ժողովում եղել է պատգամավոր քեմալական «Ժողովրդա-հանրապետական» կուսակցությունից: