Panorama.am. 18-6-2011- «Իրանի արտաքին քաղաքականության հիմքում ընկած են մարդկային արժեքները, ուստի Իրանի կառավարության վերաբերմունքը իրանահայ համայնքի և հայ հոգևորականության նկատմամբ վկայում է հայ-իրանական հարատև և ամուր հարաբերությունների մասին, և մենք դրանցով հպարտանում ենք»:Այդ մասին իրանական «իրդիփլոմասի.իռ» կայքի հաղորդմամբ` Բեյրութում Արամ 1-ին կաթողիկոսի հետ հանդիպման ժամանակ նշել է Լիբանանում ԻԻՀ դեսպան Ղազանֆար Ռոքնաբադին:
Զրուցակիցները, խոսելով հայ-իրանական պատմական և մշակութային խորը հարաբերությունների մասին, նկատել են, որ Իրանի իսլամական հեղափոխությունից հետո հայերն առանձնահատուկ հարգանքի են արժանանում Իրանում և հաստատել են, որ անհրաժեշտ է ավելի ընդլայնել այդ հարաբերությունները:
Արամ 1-ին կաթողիկոսն իր հերթին նշել է, որ Իրանի Իսլամական Հանրապետության վարած արտաքին քաղաքականությունը պարզ և թափանցիկ է, որն արժանի է գովեստի:
Tehran Time
Yerevan Time
No comments:
Post a Comment